ମୁମ୍ବାଇ: କୋରୋନା ମହାମାରୀ ସ୍ଥିତିକୁ ଧ୍ୟାନରେ ରଖି ଅନେକ ଫିଲ୍ମ ମେକର୍ସ ନିଜ ନିଜ ଫିଲ୍ମର ରିଲିଜ ତାରିଖ ଘୁଞ୍ଚାଇବା ସହ ସୁଟିଂ ସ୍ଥଗିତ ରଖିଛନ୍ତି । ଏବର୍ଷ ଅନେକ ଚର୍ଚ୍ଚିତ ଫିଲ୍ମ ଦେଖିପାରିବେନି ଦର୍ଶକ । ନିକଟରେ କିଛି ଫିଲ୍ମର ରିଲିଜ ସ୍ଥଗିତ ରହିଥିଲା । ଆଉ ଏବେ ଫରହାନ ଅଖତରଙ୍କ ବହୁ ଚର୍ଚ୍ଚିତ ଫିଲ୍ମ ‘ତୁଫାନ’ର ମଧ୍ୟ ରିଲିଜ ତାରିଖ ଘୁଞ୍ଚାଇଛନ୍ତି ମେକର୍ସ । ଏହାର ସୂଚନା ଦେଇ ଷ୍ଟେଟମେଣ୍ଟ ଜାରି କରିଛି ଏକ୍ସେଲ ଏଣ୍ଟରଟେନମେଣ୍ଟ ଏବଂ ଆରଓଏମପି ପିକ୍ଚର୍ସ ।
ବଢୁଥିବା ମହାମାରୀର ପରିସ୍ଥିତିକୁ ଦୃଷ୍ଟିରେ ରଖି ଆମାଜନ ପ୍ରାଇମ ଭିଡିଓରେ ପ୍ରସାରିତ ହେବାକୁ ଥିବା ରିତେଶ ସିଦ୍ଧୱାନୀ, ରାକେଶ ଓମପ୍ରକାଶ ମେହେରା ଏବଂ ଫରହାନଙ୍କ ପ୍ରେରଣାଦାୟକ ସ୍ପୋର୍ଟ୍ସ ଡ୍ରାମା ‘ତୁଫାନ’ ରିଲିଜ ସ୍ଥଗିତ ରଖାଯାଇଛି। ସବୁକିଛି ସ୍ବାଭାବିକ ନହେବା ପର୍ଯ୍ୟନ୍ତ ଫିଲ୍ମ ରିଲିଜ କରିବେନି ମେକର୍ସ ।
ସେହିପରି ଷ୍ଟେଟମେଣ୍ଟରେ ଲେଖାଯାଇଛି, ‘କୋରୋନା ପରିସ୍ଥିତିକୁ ଦେଖି ବର୍ତ୍ତମାନ ଫିଲ୍ମର ରିଲିଜ ତାରିଖକୁ ସ୍ଥଗିତ ରଖାଯାଉଛି । ଘରେ ରୁହନ୍ତୁ, ସୁରକ୍ଷିତ ରୁହନ୍ତୁ ।’
