ହାଇଦ୍ରାବାଦ: ହସେଇବାକୁ ପରଦାକୁ ଆସୁଛନ୍ତି ଦିଲଜିତ ଦୋସାଞ୍ଝ ଓ କୃତି ସାନନ । ପ୍ରଥମ ଥର ଫିଲ୍ମ ‘ଅର୍ଜୁନ ପଟିଆଲା’ରେ ଏକାଠି କାମ କରିଛନ୍ତି ଦିଲଜିତ ଓ କୃତି । ତେବେ ଫିଲ୍ମର ଟ୍ରେଲର ରିଲିଜ ହୋଇଛି । ଫିଲ୍ମରେ କମେଡି ଭରପୂର ରହିଛି । ଦୁହିଁଙ୍କ କମେଡି କେମେଷ୍ଟ୍ରି ଦେଖିବାକୁ ମିଳିଛି ।
ନିକଟରେ ଫିଲ୍ମର ପୋଷ୍ଟର ରିଲିଜ କରାଯାଇଥିଲା । 2ମିନିଟ 27 ସେକେଣ୍ଡର ଟ୍ରେଲରର ପ୍ରତ୍ୟେକ ସିନ ଆପଣଙ୍କୁ ହସେଇବ । ଏହାସହ ବରୁଣ ଶର୍ମା ମଧ୍ୟ କମେଡିର ତଡକା ଦେବେ । ଫିଲ୍ମରେ ଦିଲଜିତ ଜଣେ ପୋଲିସ ଚରିତ୍ରରେ ନଜର ଆସିବା ସହ କୃତି ଜଣେ ସାମ୍ବାଦିକ ଭୂମିକାରେ ନଜର ଆସିବେ ଓ ବରୁଣଙ୍କ ନାଁ ଫିଲ୍ମରେ ଓନିଡା ରହିଛି ।
ଭିଡିଓ ସୌଜନ୍ୟ: ୟୁଟ୍ୟୁବ
ଏହି ତିନିଜଣଙ୍କ କେମେଷ୍ଟ୍ରି ପରଦା ଉପରେ କାଫି ପପୁଲାର ହେବ ବୋଲି ଆଶା କରାଯାଇପାରେ । ଫିଲ୍ମକୁ ରୋହିତ ଯୁଗରାଜ ନିର୍ଦ୍ଦେଶନା ଦେଇଛନ୍ତି । ଅନ୍ୟପଟେ ଦିନେଶ ବିଜାନ, ଭୂଷଣ କୁମାର, କୃଷ୍ଣନ କୁମାର ଓ ସନ୍ଦୀପ ପ୍ରଯୋଜନା ଭାର ସମ୍ଭାଳିଛନ୍ତି । ଫିଲ୍ମଟି ଜୁଲାଇ 26ରେ ପରଦାକୁ ଆସିବ ।
