ହାଇଦ୍ରାବାଦ: ଫ୍ୟାନଙ୍କୁ ଦେଖା କରିବା ଭାରି ପଡିଲା ରଣବୀର କପୁରଙ୍କୁ । ଫ୍ୟାନଙ୍କୁ ଦେଖା କରିବା ସମୟରେ ଏକ ଭିଡିଓ ଭାଇରାଲ ହୋଇଥିଲା । ଯେଉଁଥିରେ ରଣବୀର ସୋଫା ଉପରେ ବସିଥିବା ବେଳେ ଫ୍ୟାନ ବସିଥିଲେ ତଳେ ।
ତେବେ ଏନେଇ ସ୍ପଷ୍ଟ କରିଛନ୍ତି ଫ୍ୟାନ ବିକ୍ରାନ୍ତ ସିଂହ । ବିକ୍ରାନ୍ତଙ୍କ କହିବା କଥା, ସେ ରଣବୀରଙ୍କ ପାଇଁ ଏକ ଫଟୋ ଆଲବମ କରି ଆଣିଥିଲେ ତେଣୁ ତଳେ ବସି ତାଙ୍କୁ ଆଲବମ ଦେଖାଉଥିଲେ ଓ ରଣବୀର ଜଣେ ଭଲ ସେଲିବ୍ରିଟି ବୋଲି ମଧ୍ୟ କହିଛନ୍ତି ବିକ୍ରାନ୍ତ ।
ରଣବୀର ବିକ୍ରାନ୍ତଙ୍କୁ ଏକ ରେଡ କଲର କ୍ୟାପ ମଧ୍ୟ ଗିଫ୍ଟ କରିଛନ୍ତି । ତେବେ ପୂର୍ବରୁ ଭାଇରାଲ ହୋଇଥିବା ଭିଡିଓଟିରେ ଫ୍ୟାନଙ୍କୁ ତଳେ ବସିଥିବାର ଦେଖି ସୋସିଆଲ ମିଡିଆରେ ରଣବୀରଙ୍କୁ ଟ୍ରୋଲ କରାଯାଇଥିଲା । ପ୍ରକାଶଥାଉକି, ରଣବୀର ଓ ଆଲିଆ ଏବେ ବାରାଣାସୀରେ ଫିଲ୍ମ ବ୍ରହ୍ମାସ୍ତ୍ରର ସୁଟିଂରେ ବ୍ୟସ୍ତ ଅଛନ୍ତି ।
