ମୁମ୍ବାଇ: ଛୋଟ ପରଦାର ପପୁଲାର ଶୋ ‘ବିଗ ବସ’ ଫ୍ୟାନ୍ସଙ୍କ ପାଇଁ ଗୁଡନ୍ୟୁଜ ସାମ୍ନାକୁ ଆସିଛି । ଏବେ ଆରମ୍ଭ ହୋଇଯାଇଛି ‘ବିଗ ବସ 14’ର ପ୍ରସ୍ତୁତି । ଖୁବଶୀଘ୍ର ପରଦାରେ ଏହି ଶୋର ମଜା ଉଠାଇବେ ଦର୍ଶକ । ବର୍ତ୍ତମାନ ସିଜନ 14ର ଥିମ ଓ ଆଇଡିଆ ଉପରେ କାମ ଚାଲିଛି ।
ଏବେ ଚର୍ଚ୍ଚା ଜୋର ଧରିଛି ଯେ ସୁପରଷ୍ଟାର ସଲମାନ ଖାନ ନିଜ ଫାର୍ମହାଉସରେ ‘ବିଗ ବସ 14’ର ଘୋଷଣା କରିବେ । ସେ ଲକଡାଉନ ପାଇଁ ଫାର୍ମହାଉସରେ ରହିଆସୁଛନ୍ତି । କ୍ରିଏଟିଭ ଟିମ ତାଙ୍କ ସହ କଥାବାର୍ତ୍ତା ଚଳାଇଛନ୍ତି ।
ପ୍ରକାଶ ଥାଉକି ଅକ୍ଟୋବରରେ ଶୋର ପ୍ରିମିୟର ହେବାର ସମ୍ଭାବନା ଅଛି । ସେହିପରି ସଲମାନ ମେକର୍ସଙ୍କୁ ଏଥର ସିଜନରେ ସାମାଜିକ ଦୂରତା ଉପରେ ଅଧିକ ଦୃଷ୍ଟି ଦେବାକୁ କହିଛନ୍ତି ।
ଯଦି ଶୋର ପ୍ରତିଯୋଗୀଙ୍କ ବିଷୟରେ କଥା ହେବା, ତେବେ ଏଯାବତ ଦୁଇଟି କଳାକାରଙ୍କ ନାମ ସାମ୍ନାକୁ ଆସିଛି । ଏଥିରେ ସାମିଲ ଅଛନ୍ତି ‘ହମାରୀ ବୋହୂ ସିଲ୍କ’ର ଅଭିନେତା ଜାନ ଖାନ ଏବଂ ‘ତୁଝସେ ହେ ରାବତା’ ଫେମ ସଗୁନ ପାଣ୍ଡେ ।
