ମୁମ୍ବାଇ: ରଣବୀର ସିଂଙ୍କ ବହୁ ଚର୍ଚ୍ଚିତ ସ୍ପୋର୍ଟ୍ସ ଡ୍ରାମା ଫିଲ୍ମ ‘83’ ଖୁବଶୀଘ୍ର ରିଲିଜ ହେବାକୁ ଯାଉଛି । ଫିଲ୍ମରେ ରଣବୀରଙ୍କ ସହ ତାଙ୍କ ପତ୍ନୀ ତଥା ଅଭିନେତ୍ରୀ ଦୀପିକା ପାଦୁକୋନ ମଧ୍ୟ ଭୂମିକାରେ ନଜର ଆସିବେ । କବୀର ଖାନଙ୍କ ନିର୍ଦ୍ଦେଶିତ ଏହି 1983ରେ ଭାରତୀୟ କ୍ରିକେଟ ଟିମର ଐତିହାସିକ ବିଶ୍ବକପ ବିଜୟର କାହାଣୀକୁ ପର୍ଯ୍ୟବେଷିତ କରାଯାଇଛି । ଫିଲ୍ମରେ କ୍ରିକେଟ ଲିଜେଣ୍ଡ କପିଲ ଦେବଙ୍କ ଭୂମିକାରେ ରଣବୀର ନଜର ଆସିବେ । ସେହିପରି ଦୀପିକା, କପିଲଙ୍କ ପତ୍ନୀ ରୋମୀ ଦେବୀଙ୍କ ଭୂମିକାରେ ଦେଖାଯିବେ । ଫ୍ୟାନ୍ସ ବଡ ପରଦାରେ ଫିଲ୍ମ ଦେଖିବାକୁ ଖୁବ୍ ଏକ୍ସାଇଟେଡ।
- " class="align-text-top noRightClick twitterSection" data="
">
ଇତିମଧ୍ୟରେ ରଣବୀର ଫିଲ୍ମର ଏକ ସ୍ପେଶାଲ ମୋମେଣ୍ଟ ସେୟାର କରିଛନ୍ତି । ଯାହା ପୁରା ଦେଶ ପାଇଁ ଖାସ୍ ଦିନ ଥିଲା । ରଣବୀର ସୋସିଆଲ ମିଡିଆରେ ଯେଉଁ ଫଟୋ ସେୟାର କରିଛନ୍ତି ସେଥିରେ ସେ ୱାର୍ଲ୍ଡକପ ଟ୍ରଫି ଧରିଥିବାର ଦେଖାଯାଉଛନ୍ତି । ଯେମିତି 1983ରେ ପ୍ରଥମଥର ବିଶ୍ବକପ ଜିତିଥିବା ବେଳେ କପିଲ ଧରିଥିଲେ । ଏହାକୁ ସେୟାର କରି ସେ କ୍ୟାପସନରେ ଲେଖିଛନ୍ତି, ‘#ThisIs83’ .
ବର୍ତ୍ତମାନ ସୋସିଆଲ ମିଡିଆରେ ରଣବୀରଙ୍କ ଏହି ଫଟୋ ବର୍ତ୍ତମାନ ଖୁବ୍ ଭାଇରାଲ ହେବାରେ ଲାଗିଛି । ଫ୍ୟାନ୍ସ ରଣବୀରଙ୍କ ଫଟୋ ସହ କପିଲଙ୍କ ଫଟୋ ମଧ୍ୟ ସେୟାର କରିବାରେ ଲାଗିଛନ୍ତି । ଆପଣ ମଧ୍ୟ ଦେଖନ୍ତୁ କପିଲଙ୍କ ଏହି ଫଟୋ....
ଯଦି ‘83’ ଫିଲ୍ମ ବିଷୟରେ କଥା ହେବା ତେବେ ରଣବୀର ଓ ଦୀପିକାଙ୍କ ବ୍ୟତୀତ ଫିଲ୍ମରେ ସାକିବ ସଲୀମ, ଏମି ୱିର୍କ, ହାର୍ଡୀ ସନ୍ଧୁ, ତାହିର ରାଜ ଭସୀନ, ଚିରାଗ ପାଟିଲ, ଜିଭା, ଜତିନ ସରନା, ଧୌର୍ଯ୍ୟ କରୱା, ଆଦିନାଥ କୋଠରେ ,ବଦ୍ରି, ଦିନକର ଶର୍ମା ଏବଂ ପଙ୍କଜ ତ୍ରିପାଠୀ ନଜର ଆସିବେ ।
