ମୁମ୍ବାଇ: ବି-ଟାଉନର ଏନର୍ଜେଟିକ ଆକ୍ଟର ରଣବୀର ସିଂ ଶାନଦାର ଅଭିନୟ ବ୍ୟତୀତ ମଜାକିଆ ଅନ୍ଦାଜା ପାଇଁ ମଧ୍ୟ ଜଣାଯାଆନ୍ତି। ବର୍ତ୍ତମାନ ତାଙ୍କର ଏକ ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ପପୁଲାର କୋରିଓଗ୍ରାଫର ସ୍ୟାମକ ଦାବରଙ୍କ ଗୋଡ ଧରି ବସିଥିବାର ନଜର ଆସୁଛନ୍ତି ।
ଫଟୋଟିକୁ ଦେଖି ଏମିତି ଲାଗୁଛି ରଣବୀର କୌଣସି ଫିଲ୍ମ ସେଟରେ ସୁଟିଂ କରୁଛନ୍ତି । ଏବେ ଆପଣ ଭାବୁଥିବେ କି ସୁଟିଂ ସମୟରେ ସେ କାହିଁକି ସ୍ୟାମକଙ୍କ ଗୋଡ ଧରିଛନ୍ତି । କଥାଟି ହେଲା କି ସେ ସ୍ୟାମକଙ୍କ ଗୋଡ ଧରି ତାଙ୍କୁ ଯିବା ପାଇଁ ମନା କରୁଛନ୍ତି । ଆଉ ରଣବୀରଙ୍କ ଏପରି ମଜାକରେ ସ୍ୟାମକ ମଧ୍ୟ ଚିନ୍ତିତ ହୋଇ ମୁଣ୍ଡରେ ହାତ ଦେଇଥିବାର ଦେଖାଯାଉଛନ୍ତି ।
ପ୍ରକାଶ ଥାଉକି ରଣବୀର ଖୁବଶୀଘ୍ର କ୍ରିକେଟର ଲେଜେଣ୍ଡ କପିଲ ଦେବଙ୍କ ବାୟୋପିକ ଫିଲ୍ମ ‘83’ ନେଇ ପରଦାରେ ନଜର ଆସିବେ । ଏହି ଫିଲ୍ମରେ ତାଙ୍କ ପତ୍ନୀ ତଥା ଅଭିନେତ୍ରୀ ଦୀପିକା ପାଦୁକୋନ ମଧ୍ୟ ଅଭିନୟ କରିବାକୁ ଯାଉଛନ୍ତି । ବିବାହ ପରେ ଦୁଇଜଣଙ୍କୁ ଏକାଠି ଦେଖିବାକୁ ନେଇ ଖୁବ୍ ଉତ୍ସାହିତ ତାଙ୍କ ଫ୍ୟାନ୍ସ । ‘83’ ଫିଲ୍ମଟି ଭାରତୀୟ କ୍ରିକେଟ ଟିମ ପ୍ରଥମ ବିଶ୍ବକପ ଜିତିବା କାହାଣୀ ଉପରେ ଆଧାରିତ ।
ଖାଲି ଏତିକି ନୁହେଁ ଏହାସହ ସେ ନିର୍ମାତା କରନ ଜୋହରଙ୍କ ଆଗାମୀ ମଲ୍ଟି ଷ୍ଟାରର ଫିଲ୍ମ ‘ତଖ୍ତ’ରେ ମଧ୍ୟ ନଜର ଆସିବେ । ଏହି ଫିଲ୍ମରେ ତାଙ୍କ ସହ ଅନିଲ କପୁର, କରୀନା କପୁର, ଆଲିୟା ଭଟ୍ଟ, ଜାହ୍ନବୀ କପୁର, ବିକ୍କୀ କୌଶଲ ମଧ୍ୟ ମୁଖ୍ୟ ଭୂମିକାରେ ଅଭିନୟ କରିବେ ।
