ମୁମ୍ବାଇ: ପୁଣିଥରେ ରାନୁ ମଣ୍ଡଲ ଇଣ୍ଟରନେଟରେ ଛାଇ ଯାଇଛନ୍ତି । କିଛି ଘଣ୍ଟା ପୂର୍ବରୁ ରିଲିଜ ହୋଇଯାଇଛି ବଲିଉଡର ଲୋକପ୍ରିୟ ସଙ୍ଗୀତ ନିର୍ମାତା, ଅଭିନେତା ହିମେଶ ରେଶମିୟାଙ୍କ ସହ ରାନୁଙ୍କ ପ୍ରଥମ ଗୀତ ‘ତେରି ମେରି କାହାନୀ’ ଟିଜର । ଯାହା ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
କିଛି ଦିନ ପୂର୍ବରୁ ରାନୁଙ୍କ ସହ ଏହି ଗୀତର ରେକର୍ଡ କରିଥିଲେ ହିମେଶ । ଯାହାପରେ ରାନୁଙ୍କ ଜୀବନ ପରିବର୍ତ୍ତନ ହୋଇଯାଇଥିଲା । ଷ୍ଟେସନ ଗାୟିକାରୁ ସେ ବଲିଉଡର ଗାୟିକା ସାଜିଥିଲେ । ପ୍ରକାଶ ଥାଉକି ଟିପ୍ସ ଦ୍ବାରା ୟୁଟ୍ୟୁବରେ ରିଲିଜ ହୋଇଥିବା ଏହି ଗୀତକୁ ଏଯାବତ ଲକ୍ଷରୁ ଅଧିକ ଥର ଦେଖା ସରିଲାଣି ।
- " class="align-text-top noRightClick twitterSection" data="">
ଆସନ୍ତା ବୁଧବାର ହିମେଶଙ୍କ ଆଗାମୀ ଫିଲ୍ମ ‘ହାପି ହ୍ୟାର୍ଡି ହିର’ର ଏହି ଗୀତଟି ରିଲିଜ ହେବାକୁ ଯାଉଛି । ଯାହାର ସୂଚନା ଏହି ଟିଜରରେ ଦର୍ଶକଙ୍କୁ ଦିଆଯାଇଛି । ଖାଲି ଏତିକି ନୁହେଁ ରାନୁଙ୍କ ସହ ହିମେଶ ତିନୋଟି ଗୀତ ରେକର୍ଡ କରିସାରିଲେଣି । ନିକଟରେ ନିଜ ଦ୍ବାରା ଗାଇଥିବା ପପୁଲାର ଗୀତ ‘ଆ ଆ ଆଶିକି ମେଁ ତେରି’ ଗୀତ ହିମେଶ, ରାନୁଙ୍କ ସହ ଗାଇଥିଲେ ।
