ମୁମ୍ବାଇ: ଲୋକପ୍ରିୟ ଅଭିନେତ୍ରୀ ରାନୀ ମୁଖାର୍ଜୀ ଖୁବଶୀଘ୍ର ଆକ୍ସନଭାର ଅନ୍ଦାଜରେ ପରଦାରେ ନଜର ଆସିବାକୁ ଯାଉଛନ୍ତି । ଦୀର୍ଘ ସମୟରୁ ଚର୍ଚ୍ଚାରେ ଥିବା ତାଙ୍କ ଫିଲ୍ମ ‘ମର୍ଦାନୀ 2’ର ଦମଦାର ଟ୍ରେଲର ରିଲିଜ ହୋଇଯାଇଛି । କୋଟା ଦୁଷ୍କର୍ମର ବାସ୍ତବ କାହାଣୀକୁ ନେଇ ଆଧାରିତ ଏହି ଫିଲ୍ମ ଡିସେମ୍ବର 13ରେ ରିଲିଜ ହେବ। ଫିଲ୍ମର ଟ୍ରେଲରଟି ରିଲିଜ ହେବା ମାତ୍ରେ ସୋସିଆଲ ମିଡିଆରେ ଛାଇ ଯାଇଛି । ଖାକି ପୋଷାକରେ ରାନୀଙ୍କ ରାଗଭରା ଅନ୍ଦାଜ ଦର୍ଶକଙ୍କ ମନ କିଣିଛି । କିଛି ଦିନ ପୂର୍ବରୁ ରାନୀ ଫିଲ୍ମର ଟିଜର ସୋସିଆଲ ମିଡିଆରେ ସେୟାର କରିଥିଲେ ।
- " class="align-text-top noRightClick twitterSection" data="">
ଟ୍ରେଲରରେ ଦେଖିବାକୁ ମିଳୁଛି ଯେ ରାଜସ୍ଥାନର କୋଟା ସହରକୁ ପୁରା ଦେଶର ପିଲା ପିଏମଟି, ଆଈଆଈଟି କୋଚିଂ ନେବାକୁ ଯାଉଛନ୍ତି । ଆଉ ଯେଉଁଠାରେ ଜଣେ ସାଇକୋ କିଲର ଝିଅଙ୍କ ସହ ଦୁଷ୍କର୍ମ କରି ତାଙ୍କ ହତ୍ୟା କରୁଛି । ଯାହାର ପର୍ଦ୍ଦାଫାଶ କରିବା ପାଇଁ ଦିନରାତି ଏକ କରିଦେଇଛନ୍ତି ଫିଲ୍ମର ଶିବାନୀ ଶିବାଜୀ ରାୟ ତଥା ରାନୀ ।
ଏହି 2 ମିନିଟ 19 ସେକେଣ୍ଡ ଟ୍ରେଲରରେ ଫିଲ୍ମରେ ସାଇକୋ ଭୂମିକାରେ ଅଭିନୟ କରିଥିବା ଅଭିନେତାଙ୍କ ଚେହେରା ଦେଖିବାକୁ ମିଳୁନାହିଁ । କିନ୍ତୁ ତାଙ୍କ ଭୟାନକ ଡାଇଲଗ ଶୁଣିବାକୁ ମିଳୁଛି । ଯାହା ଦର୍ଶକଙ୍କ ଏକ୍ସାଇଟମେଣ୍ଟ ବଢାଇ ଦେଇଛି । ଆପଣ ମଧ୍ୟ ଦେଖନ୍ତୁ ଏହି ଲୋମହର୍ଷଣକାରୀ ଟ୍ରେଲର...
ପ୍ରକାଶ ଥାଉକି 2014ରେ ଆସିଥିବା ରାନୀଙ୍କ ‘ମର୍ଦାନୀ’ ଫିଲ୍ମ ଏହା ସିକ୍ବେଲ ଫିଲ୍ମ । 2018ରେ ରାନୀ ଶେଷଥର ପରଦାରେ ଦମଦାର କାହାଣୀଭରା ଫିଲ୍ମ ‘ହିଚକୀ’ ନେଇ ନଜର ଆସିଥିଲେ ।
