ମୁମ୍ବାଇ: ବଲିଉଡର ନୂଆ ଲଭବାର୍ଡ ଆଲିୟା ଭଟ୍ଟ ଓ ରଣବୀର କପୁର ବର୍ତ୍ତମାନ ନିଜର ଆଗାମୀ ଫିଲ୍ମ ‘ବ୍ରହ୍ମାସ୍ତ୍ର’କୁ ନେଇ ଖୁବବ୍ୟସ୍ତ । ଏହି ପ୍ରେମୀ ଯୁଗଳ ନିଜ ରିଲେସନଶିପ ବିଷୟରେ କେବେ ମଧ୍ୟ ଲୁଚାଇ ନାହାଁନ୍ତି । କେବେ ହାତରେ ହାତ ଧରି ବିଦେଶରେ ନଜର ଆସିଛନ୍ତି ତ କେବେ ଫିଲ୍ମ ସେଟରେ ଦୁଇଜଣଙ୍କ ମସ୍ତି ଦେଖିବାକୁ ମିଳିସାରିଛି । ବଲିଉଡ ମେକର୍ସ ମଧ୍ୟ ଦୁଇଜଣଙ୍କ ଅଫସ୍କ୍ରିନ କେମେଷ୍ଟ୍ରି ଅନସ୍କ୍ରିନରେ ଦେଖାଇବାକୁ ଚେଷ୍ଟା କରୁଛନ୍ତି । ଇତିମଧ୍ୟରେ ରଣବୀର ଓ ଆଲିୟା ଅନ୍ୟ ଏକ ପ୍ରୋଜେକ୍ଟରେ କାମ କରିବାକୁ ମନା କରିଦେଇଛନ୍ତି ।
ଆଜ୍ଞା ହଁ, ଆୟନ ମୁଖାର୍ଜୀଙ୍କ ନିର୍ଦ୍ଦେଶିତ ଫିଲ୍ମ ‘ବ୍ରହ୍ମାସ୍ତ୍ର’ ରିଲିଜ ନହେବା ପର୍ଯ୍ୟନ୍ତ ଏହି ଦୁଇଜଣ ଏକାଠି ଅନ୍ୟ ଫିଲ୍ମରେ କାମ କରିବେ ନାହିଁ ବୋଲି ଶୁଣିବାକୁ ମିଳୁଛି । ତେଣୁ ନିକଟରେ ଆଲିୟା ଓ ରଣବୀର ଜଣେ ପ୍ରଯୋଜକଙ୍କ ଫିଲ୍ମକୁ ମନା କରିଦେଇଛନ୍ତି ।
ପ୍ରକାଶ ଥାଉକି ଆଲିୟା ଓ ରଣବୀର ପ୍ରଥମଥର ଏକାଠି ‘ବ୍ରହ୍ମାସ୍ତ୍ର’ରେ ନଜର ଆସିବେ । ଦୁଇଜଣଙ୍କ ବ୍ୟତୀତ ଫିଲ୍ମେ ଅମିତାଭ ବଚ୍ଚନ, ଡିମ୍ପଲ କାପାଡିଆ, ନାଗାର୍ଜୁନ ଓ ମୌନୀ ରାୟ ମଧ୍ୟ ମୁଖ୍ୟ ଭୂମିକାରେ ଅଭିନୟ କରୁଛନ୍ତି । ଯାହା ଆସନ୍ତା ବର୍ଷ ରିଲିଜ ହେବ ।
