ମୁମ୍ବାଇ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ଦେହାନ୍ତ ସମଗ୍ର ଦେଶକୁ ଚକିତ କରିଦେଇଛି । ଏହି ଦୁଃଖରୁ ସୁଶାନ୍ତଙ୍କ ପ୍ରଶଂସକମାନେ ଏପର୍ଯ୍ୟନ୍ତ ବାହାରି ନାହାଁନ୍ତି । କିନ୍ତୁ ଏହି ସମୟରେ ବି ଟାଉନର କଟ୍ରୋଭର୍ସି ଗର୍ଲ ରାକ୍ଷୀ ସାୱନ୍ତଙ୍କ ଏକ ଭିଡିଓ ସମସ୍ତଙ୍କୁ ଚକିତ କରିଦେଇଛି ।
ବାସ୍ତବରେ ରାକ୍ଷୀ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ସୁଶାନ୍ତଙ୍କ ବିଷୟରେ ଏକ ଭିଡିଓ ସେୟାର କରିଛନ୍ତି । ଯେଉଁଥିପାଇଁ ତାଙ୍କୁ ବହୁତ ସମାଲୋଚନା କରାଯାଉଛି ।
ସେୟାର ହୋଇଥିବା ଭିଡିଓରେ ରାକ୍ଷୀ କହୁଛନ୍ତି, ମୁଁ ରାତିରେ ଶୋଇଥିଲି ଯେତେବେଳେ ହଠାତ୍ ମତେ ଝଟକା ଲାଗିଥିଲା । ମୁଁ ପଚାରିଲି କିଏ ତମେ ? ସେ କହିଥିଲେ ମୁଁ ସୁଶାନ୍ତ । ସୁଶାନ୍ତ ମୋତେ କହିଥିଲେ ଯେ ମୁଁ ପୁନର୍ବାର ଜନ୍ମ ନେଉଛି । ମୁଁ କହିଲି ଏହା କିପରି ହେବ ? ସୁଶାନ୍ତ କହିଥିଲେ ରାକ୍ଷୀ ତୁମେ ବିବାହ କରିବ ଏବଂ ତାପରେ ମୁଁ ତୁମ ଗର୍ଭରୁ ଜନ୍ମ ଗ୍ରହଣ କରିବି ।
ରାକ୍ଷୀଙ୍କ ଏହି ଭିଡିଓ ଦେଖି ପ୍ରଶଂସକମାନେ ବହୁତ ଅସନ୍ତୋଷ ହୋଇ ଏହି ଭିଡିଓ ଡିଲିଟ କରିବାକୁ କହିଥିଲେ ।
ରାକ୍ଷୀଙ୍କ ଏହି ଭିଡିଓରେ ଜଣେ ଉପଭୋକ୍ତା ତାଙ୍କ ପ୍ରତିକ୍ରିୟା ଦେଇ କହିଛନ୍ତି ଯେ ଆପଣ ଏହିପରି ଭିଡିଓ କରିଥିବାରୁ ଆପଣ ନିଜକୁ ଲଜ୍ଜିତ ହେବା ଉଚିତ୍ ।
ଅନ୍ୟ ଜଣେ ଉପଭୋକ୍ତା କହିଛନ୍ତି, ଆମେ ରାକ୍ଷୀଙ୍କ ଆକାଉଣ୍ଟକୁ ରିପୋର୍ଟ କରିବା ଉଚିତ୍ ।
କିଛି ଲୋକ କହିଛନ୍ତି ଯେ କାହାର ମୃତ୍ୟୁକୁ ନେଇ ଏପରି ମଜାକ କରିବା ପୂର୍ବରୁ ତାଙ୍କୁ ଲଜ୍ଜିତ ହେବା ଉଚିତ୍ ।
ପ୍ରକାଶ ଥାଉ କି, ସୁଶାନ୍ତ 14 ଜୁନ୍ ରେ ନିଜ ମୁମ୍ବାଇ ଘରେ ଫାଶୀ ଲଗାଇ ଆତ୍ମହତ୍ୟା କରିଥିଲେ । ତେବେ ସୁଶାନ୍ତଙ୍କ ଆତ୍ମହତ୍ୟା ହେବାର କାରଣ ଏପର୍ଯ୍ୟନ୍ତ ଜଣାପଡିନାହିଁ । ମିଡିଆ ରିପୋର୍ଟ ଅନୁଯାୟୀ ସୁଶାନ୍ତ ପ୍ରାୟ 6 ମାସ ଧରି ଡିପ୍ରେସନରେ ଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
