ହାଇଦ୍ରାବାଦ: ଶୁକ୍ରବାର ସୁପରଷ୍ଟାର ରଜନୀକାନ୍ତଙ୍କ ସ୍ବାସ୍ଥ୍ୟବସ୍ଥା ହଠାତ୍ ବିଗିଡିବାରୁ ତାଙ୍କୁ ହାଇଦ୍ରାବାଦର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ରକ୍ତଚାପ ବଢିଯିବାରୁ ରାତିରେ ମଧ୍ୟ ତାଙ୍କୁ ହସ୍ପିଟାଲରେ ରହିବାକୁ ପଡିଥିଲା । ରବିବାର ତାଙ୍କୁ ହସ୍ପିଟାଲରୁ ଡିସଚାର୍ଜ କରାଯାଇଛି ।
ହସ୍ପିଟାଲ ପକ୍ଷରୁ କୁହାଯାଇଥିଲା ଯେ, ରଜନୀକାନ୍ତଙ୍କ ଉପରେ କଡା ନଜର ରଖାଯାଉଛି ଏବଂ ତାଙ୍କ ରକ୍ତଚାପକୁ ନିୟନ୍ତ୍ରଣ କରିବା ପାଇଁ ଔଷଧଗୁଡିକ ଉପରେ ମଧ୍ୟ ଧ୍ୟାନ ଦିଆଯାଉଛି ।
ଶନିବାର ଦିନ ଡାକ୍ତରଙ୍କ କହିବାନୁସାରେ, ଶୁକ୍ରବାର ଅପେକ୍ଷା ଶନିବାର ରଜନୀକାନ୍ତଙ୍କ ସ୍ଥିତିରେ ସୁଧାର ଆସିଥିଲା । ଏବେ ତାଙ୍କ ସ୍ବାସ୍ଥ୍ୟ ଭଲ ରହିଛି । ତାଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା । ଯେଉଁଥିରେ କୌଣସି ଗୁରୁତର ସମସ୍ୟା ସାମ୍ନାକୁ ଆସିନାହିଁ । କିନ୍ତୁ ଏବେ ତାଙ୍କୁ ବିଶ୍ରାମ ପାଇଁ ପରାମର୍ଶ ଦିଆଯାଇଛି ।
ପ୍ରକାଶ ଥାଉ କି, ନିକଟରେ ରଜନୀ ନିଜର ଅପକମିଂ ତାମିଲ ଫିଲ୍ମ ‘ଅନ୍ନାଥ’ର ସୁଟିଂ ବନ୍ଦ କରିଥିଲେ । କାରଣ ସେଟରୁ 7 ଜଣ କ୍ରୁ ମେମ୍ବର କୋରୋନା ସଂକ୍ରମିତ ବାହାରିବା ପରେ ଫିଲ୍ମର ସୁଟିଂ ଅଧାରେ ବନ୍ଦ କରିଦେଇଥିଲେ ମେକର୍ସ । ଅନ୍ୟପଟେ ରଜନୀଙ୍କ କୋରୋନା ରିପୋର୍ଟ ନେଗେଟିଭ ଆସିଥିଲା ।
