ମୁମ୍ବାଇ: ଗୁରୁବାର ଗ୍ଲୋବାଲ ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କ 37ତମ ଜନ୍ମଦିନ ଥିଲା । ଏହି ଖାସ ଅବସରରେ ଫ୍ୟାନ୍ସଙ୍କ ଠାରୁ ନେଇ ବଲିଉଡ କଳାକାର ମଧ୍ୟ ପିସିଙ୍କୁ ଜନ୍ମଦିନର ଶୁଭେଚ୍ଛା ଓ ଶୁଭକାମନା ସୋସିଆଲ ମିଡିଆରେ ଦେଇଥିଲେ । ବୋହୁଙ୍କ ଜନ୍ମଦିନ ଆଉ ଶାଶୁ ମା' କିପରି ବା ଚୁପ ରହିଥାଆନ୍ତେ । ପିସିଙ୍କ ଶାଶୁ ଡେନିସ ଜୋନସ ସୋସିଆଲ ମିଡିଆରେ ବୋହୁଙ୍କ ପାଇଁ କ୍ୟୁଟ ମେସେଜ କରି ଜନ୍ମଦିନର ଶୁଭେଚ୍ଛା ଜଣାଇଥିଲେ ।
ସେ ଇନଷ୍ଟାଷ୍ଟୋରୀରେ ପ୍ରିୟଙ୍କା ସହ ନିଜର ଗୋଟିଏ ଫଟୋ ସେୟାର କରି ଲେଖିଥିଲେ, "ସୁନ୍ଦର ବର୍ଥଡେ, ସୁନ୍ଦର ବର୍ଥଡେ ଗାର୍ଲ ପାଇଁ । ଆଉ ଲଭ ୟୁ ।" ଶାଶୁ, ବୋହୂଙ୍କ ଏହି ଫଟୋଟି ଫ୍ୟାନ୍ସ ମଧ୍ୟ ଖୁବ୍ ପସନ୍ଦ କରିଛନ୍ତି । ଡେନିସ ସେୟାର କରିଥିବା ଫଟୋଟି ପିସିଙ୍କ ହଳଦୀ ଉତ୍ସବରେ ଉଠାଯାଇଥିଲା ।
ଅନ୍ୟପଟେ ସ୍ବାମୀ ତଥା ଆମେରିକାନ ପପୁଲାର ଗାୟକ ନିକ ଜୋନସ ମଧ୍ୟ ପତ୍ନୀଙ୍କ ସୁନ୍ଦର ଫଟୋ ସେୟାର କରି ବର୍ଥଡେ ୱିଶ କରିଥିଲେ । ଆଉ କ୍ୟାପସନରେ ଲେଖିଥିଲେ, "ମୋ ଦୁନିଆର ଆଲୋକ, ମୋ ହୃଦୟ, ଆଈ ଲଭ ୟୁ, ହାପ୍ପି ବର୍ଥଡେ ।"
ଯଦି ନଜର ପକାଇବା ପିସିଙ୍କ ଆଗାମୀ ଫିଲ୍ମ ଉପରେ ତେବେ ସେ ଖୁବଶୀଘ୍ର 'ଦ ସ୍କାଏ ଇଜ ପିଙ୍କ'ରେ ନଜର ଆସିବେ । ଏହି ଫିଲ୍ମରେ ତାଙ୍କ ସହ ପରଦାରେ ରୋମାନ୍ସ କରୁଥିବାର ଦେଖାଯିବେ ଅଭିନେତା, ନିର୍ଦ୍ଦେଶକ, ଗାୟକ ଫରହାନ ଅଖତର । ଯାହାର ସୁଟିଂ ନିକଟରେ ଶେଷ କରିଛନ୍ତି ଏହି ଷ୍ଟାରକାଷ୍ଟ । ଏହି ଫିଲ୍ମ ଜରିଆରେ ପିସି ପାଖାପାଖି ଦୁଇ ବର୍ଷ ପରେ ବଲିଉଡକୁ ଫେରିବାକୁ ଯାଉଛନ୍ତି ।
