ମୁମ୍ବାଇ: ଅଭିନେତା ପ୍ରିୟଙ୍କା ଚୋପ୍ରା ଜୋନସ ପାକିସ୍ତାନୀ ନୋବେଲ ବିଜେତା ମାଲାଲା ୟୁସୁଫଜାଇଙ୍କୁ ଅକ୍ସଫୋର୍ଡ ୟୁନିଭରସିଟିରୁ ଫିଲୋସଫି, ପଲିଟିକାଲ ଏବଂ ଇକୋନୋମି ଡିଗ୍ରୀ ହାସଲ କରିଥିବାରୁ ତାଙ୍କୁ ଅଭିନନ୍ଦନ ଜଣାଇଛନ୍ତି ।
ପ୍ରିୟଙ୍କା ମଲାଲାଙ୍କ ସହ ନିଜର ଏକ ଫଟୋ ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି । ପ୍ରିୟଙ୍କା ଏହାର କ୍ୟାପସନରେ ଲେଖିଛନ୍ତି, ହାପି ଗ୍ରାଜୁଏସନ୍, @ ମଲାଲା ! ଅକ୍ସଫୋର୍ଡରୁ ତୁମର ଫିଲୋସଫି, ପଲିଟିକାଲ ଏବଂ ଇକୋନୋମି ଡିଗ୍ରୀରେ ସଫଳତା ହାସଲ କରିଥିବାରୁ ମୁଁ ଅତ୍ୟଧିକ ଗର୍ବିତ ।
ଜୁନ୍ 19 ରେ, ମଲାଲା ନିଜ ପରିବାର ସହ ଏକ ଫଟୋ ପୋଷ୍ଟ କରି ଏକ କେକ୍ କାଟି ଟ୍ୱିଟରରେ ତାଙ୍କର ଖୁସି ସେୟାର କରିଥିଲେ ।
ମଲାଲା ଲେଖିଛନ୍ତି, ବର୍ତ୍ତମାନ ମୁଁ ଅକ୍ସଫୋର୍ଡରେ ମୋର ଫିଲୋସଫି, ପଲିଟିକାଲ ଏବଂ ଇକୋନୋମି ଡିଗ୍ରୀ ସମାପ୍ତ କଲି । ତେଣୁ ମୋର ଖୁସି ଏବଂ କୃତଜ୍ଞତା ଜଣାଇବା ବହୁତ କଷ୍ଟକର । ମୁଁ ଜାଣେ ନାହିଁ ଆଗକୁ କଣ ହେବ । କିନ୍ତୁ, ମୁଁ ବର୍ତ୍ତମାନ ନେଟଫ୍ଲିକ୍ସ ଦେଖିବି, ବହି ପଢିବି ଏବଂ ଶୋଇବି ।
ପ୍ରକାଶ ଥାଉକି, ମାଲାଲା ପ୍ରଥମେ ଜୁନ୍ 8 ରେ ତାଙ୍କର ଗ୍ରାଜୁଏଟ ହେବାର ଖବର ସେୟାର କରିଥିଲେ । ଯେତେବେଳେ ସେ ୟୁଟ୍ୟୁବ୍ ସ୍ପେସିଆଲ୍ # କ୍ଲାସ୍ 2020 ରେ ଭାଗ ନେଇଥିଲେ ।
ମଲାଲା ସେତେବେଳେ ସେୟାର କରିଥିଲେ ଯେ ତାଙ୍କର ଆଗକୁ ଆହୁରି ଚାରୋଟି ପରୀକ୍ଷା ବାକି ଅଛି ।
