ହାଇଦ୍ରାବାଦ: ପ୍ରିୟା ପ୍ରକାଶ ୱାରିୟର, ଯିଏକି ନିଜ ଆଖିର ଇସାରାରେ ରାତାରାତି ଷ୍ଟାର ପାଲଟିଯାଇଛନ୍ତି । ପ୍ରଥମ ଫିଲ୍ମର ଗୋଟିଏ ସିନ ପ୍ରିୟାଙ୍କୁ ଏତେମାତ୍ରାରେ ଯେ ସଫଳତା ଆଣିଦେବ ତାହା ନିର୍ମାତା ମଧ୍ୟ ଜାଣିନଥିବେ । କିନ୍ତୁ ନିକଟରେ ନିର୍ମାତା ଏମିତି ଏକ ଖୁଲାସା କରିଛନ୍ତି ଯାହା ଜାଣିଲେ ଆପଣମାନେ ବି ଆଶ୍ଚର୍ଯ୍ୟ ହେବେ...
ନିକଟରେ ଏକ ସାକ୍ଷାତକାରରେ ଫିଲ୍ମ 'ଓରୁ ଆଦାର ଲଭ'ର ନିର୍ମାତା ଓମାର କହିଛନ୍ତି, ଫିଲ୍ମ ପାଇଁ ପ୍ରିୟା ପ୍ରକାଶ ତାଙ୍କର ପ୍ରଥମ ପସନ୍ଦ ନଥିଲେ । ଫିଲ୍ମର ଅନ୍ୟ ଜଣେ ଅଭିନେତ୍ରୀ ନୁରିନ ଶରିଫ ଥିଲେ ତାଙ୍କର ପ୍ରଥମ ପସନ୍ଦ । ଏହାଛଡା ଫିଲ୍ମର କାହାଣୀ ମଧ୍ୟ ଭିନ୍ନ ଥିଲା ।
ପ୍ରଥମେ ଫିଲ୍ମର କାହାଣୀ ଏକ କପୁଲଙ୍କ ମର୍ଡରକୁ ନେଇ ଥିଲା । କିନ୍ତୁ ତାହା କୌଣସି କାରଣରୁ ସ୍ଥଗିତ ରହିବାରୁ ପ୍ରଯୋଜକ ପ୍ରିୟାଙ୍କୁ ନେଇ ପ୍ରେମଭରା ଏକ ଫିଲ୍ମ କରିବା ପାଇଁ କହିଥିଲେ ।' ନିଜେ ଓମାର ମଧ୍ୟ ନୁରିନଙ୍କୁ ପ୍ରିୟାଙ୍କ ଠାରୁ ଅଧିକ ପସନ୍ଦ କରିଥିଲେ । ପ୍ରକାଶ ଥାଉକି, ପ୍ରିୟା ଏବେ ଫିଲ୍ମ 'ଶ୍ରୀଦେବୀ ବଙ୍ଗଲୋ'ର ରିଲିଜକୁ ନେଇ ପ୍ରସ୍ତୁତ, ଯାହାକି ପ୍ରିୟାଙ୍କ ବଲିଉଡ ଡେବ୍ୟୁ ମଧ୍ୟ ।
