ମୁମ୍ବାଇ: ଟିଭିର ସବୁଠୁ ଚର୍ଚ୍ଚିତ କମେଡି ଶୋ ‘ଦ କପିଲ ଶର୍ମା’ ଦର୍ଶକଙ୍କୁ ହସାଇ ହସାଇ ବେହାଲ କରିଛୁ । ଏହି ଶୋରେ ଫିଲ୍ମ ଇଣ୍ଡଷ୍ଟ୍ରିର ସେଲିବ୍ରିଟି ନିଜ ଫିଲ୍ମର ପ୍ରମୋଶନ ପାଇଁ ପ୍ରତି ସପ୍ତାହରେ ଆସନ୍ତି । ଏଥର ସପ୍ତାହରେ ସୁପରଷ୍ଟାର ଅକ୍ଷୟ କୁମାରଙ୍କୁ ଦେଖିବାକୁ ମିଳିବ । ଅକ୍ଷୟଙ୍କ ଫିଲ୍ମ ‘ଲକ୍ଷ୍ମୀ ବମ’ ଖୁବଶୀଘ୍ର ଓଟିଟି ପ୍ଲାଟଫର୍ମରେ ରିଲିଜ ହେବାକୁ ଯାଉଛି । ରିଲିଜ ପୂର୍ବରୁ ଫିଲ୍ମର ପ୍ରମୋଶନରେ ଲାଗି ପଡିଛନ୍ତି ଷ୍ଟାରକାଷ୍ଟ । ଅକ୍ଷୟଙ୍କ ସହ ଫିଲ୍ମରେ ରୋମାନ୍ସ କରୁଥିବାର ଦେଖାଯିବେ ‘କବୀର ସିଂ’ ଫେମ କିୟାରା ଆଡଭାନୀ । ଏହି ଯୋଡି କପିଲଙ୍କ ଶୋରେ ନଜର ଆସିବେ ।
- " class="align-text-top noRightClick twitterSection" data="
">
ଏଥର ଏପିସୋଡ ଖୁବ୍ ମଜାମସ୍ତି ହେବ। କାରଣ କପିଲଙ୍କ ସହ ଅକ୍ଷୟଙ୍କ ମଜାଦାର ଅନ୍ଦାଜ ଶୋର ପ୍ରୋମୋ ଭିଡିଆରେ ଦେଖିବାକୁ ମିଳୁଛି । ଖାଲି ଏତିକି ନୁହେଁ ଅକ୍ଷୟଙ୍କୁ ଶୋରେ ସମସ୍ତେ ଉପହାର ମଧ୍ୟ ଦେବେ । ହେଲେ ତାଙ୍କ ମନ କିଣିବ କପିଲ ଶର୍ମାଙ୍କ ଶାନଦାର ଉପହାର ।
କଥାଟି ହେଲା ଯେ କପିଲ ଟଙ୍କା ଗଣିବା ମେସିନ ଅକ୍ଷୟଙ୍କୁ ଗିଫ୍ଟରେ ଦେଇଛନ୍ତି । ଯାହାକୁ ଦେଖି ଅକ୍ଷୟ ହସିବା ସହ କପିଲଙ୍କ ଖୁବ୍ କ୍ଲାସ ଲଗାଇଛନ୍ତି । ଆପଣ ବି ଦେଖନ୍ତୁ ଏହି ମଜାଦାର ପ୍ରୋମୋ ଭିଡିଓ...
