ମୁମ୍ବାଇ: ନିକଟରେ ଦ୍ବିତୀୟ ବେବି ବୟକୁ ଜନ୍ମ ଦେଇଥିଲେ ବି-ଟାଉନର ବେବୋ କରୀନା କପୁର ଖାନ । ଯାହାକୁ ନେଇ ତାଙ୍କ ପରିବାରରେ ଖୁସିର ଲହରୀ । ସେପଟେ ଫ୍ୟାନ୍ସ ମଧ୍ୟ କରୀନାଙ୍କ ସାନ ପୁଅକୁ ଦେଖିବାକୁ ଉତ୍ସାହିତ । ହେଲେ ଏଯାବତ ପୁଅର କୌଣସି ବି ଫଟୋ ପୋଷ୍ଟ କରାଯାଇନଥିଲା । ଇତିମଧ୍ୟରେ ପୁଅର ପ୍ରଥମ ଫଟୋ ପୋଷ୍ଟ କରି ସମସ୍ତଙ୍କୁ ଖୁସ୍ କରିଦେଇଛନ୍ତି ଅଭିନେତ୍ରୀ । ଯାହାକୁ ଦେଖି ଫ୍ୟାନ୍ସଙ୍କ ଖୁସି ନକହିଲେ ସରେ ।
- " class="align-text-top noRightClick twitterSection" data="
">
କରୀନା ପୁଅ ସହ ନିଜର ଏକ ଫଟୋ ଇନଷ୍ଟାଗ୍ରାମରେ ସେୟାର କରିବା ସହ ମହିଳା ଦିବସ ମଧ୍ୟ ପାଳନ କରିଛନ୍ତି । ଆଉ କ୍ୟାପସନରେ ଲେଖିଛନ୍ତି, ‘ଏମିତି କିଛି ଜିନିଷ ନାହିଁ ଯାହା ମହିଳା କରିପାରିବ ନାହିଁ । ହାପି ଓମେନ ଡେ ମାଇଁ ଲଭସ୍ ।’
ବର୍ତ୍ତମାନ ଭାଇରାଲ ହେଉଥିବା ଫଟୋରେ ଦେଖିବାକୁ ମିଳୁଛି କରୀନାଙ୍କ କାନ୍ଧରେ କୁନି ପୁଅ ଶୋଇଥିବାର । ସେପଟେ ଫ୍ୟାନ୍ସ କମେଣ୍ଟ କରି କରୀନାଙ୍କୁ ପୁଣିଥରେ ଶୁଭେଚ୍ଛା ଦେବା ସହ ମହିଳା ଦିବସର ଶୁଭକାମନା ଜଣାଇଛନ୍ତି ।
ଯଦି କରୀନାଙ୍କ ଆଗାମୀ ଫିଲ୍ମ ବିଷୟରେ କଥା ହେଲା ତାହାଲେ ସେ ସୁପରଷ୍ଟାର ଆମୀର ଖାନଙ୍କ ଆଗାମୀ ଫିଲ୍ମ ‘ଲାଲ ସିଂ ଚଡ୍ଡା’ରେ ନଜର ଆସିବେ । ଏହି ଫିଲ୍ମ ହଲିଉଡର ପପୁଲାର ଫିଲ୍ମ ‘ଫରେଷ୍ଟ ଗମ୍ପ’ର ହିନ୍ଦୀ ରିମେକ ଫିଲ୍ମ ।
ବ୍ୟୁରୋ ରିପୋର୍ଟ, ଇଟିଭି ଭାରତ
