ମୁମ୍ବାଇ: ସିଦ୍ଧାର୍ଥ ମଲହୋତ୍ରା ବର୍ତ୍ତମାନ ନିଜର ଆଗାମୀ ଫିଲ୍ମ ‘ମିଶନ ମଜନୁ’ର ସୁଟିଂରେ ବ୍ୟସ୍ତ ଅଛନ୍ତି । ଲକ୍ଷ୍ନୌରେ ଚାଲିଛି ଫିଲ୍ମର ସୁଟିଂ । ସିଦ୍ଧାର୍ଥଙ୍କ ସହ ନଜର ଆସିବେ ସାଉଥର ଲୋକପ୍ରିୟ ଅଭିନେତ୍ରୀ ରଶ୍ମିକା ମନ୍ଦାନା । ଯାହା ତାଙ୍କ ଡେବ୍ୟୁ ଫିଲ୍ମ । ଇତିମଧ୍ୟରେ ସିଦ୍ଧାର୍ଥଙ୍କ ଫ୍ୟାନ୍ସ ପାଇଁ ସାମ୍ନାକୁ ଆସିଛି ନୈରାଶ୍ୟଜନକ ଖବର । ସୁଟିଂ ସେଟରେ ଆହତ ହୋଇଛନ୍ତି ଅଭିନେତା । ସୁଟିଂ ସମୟରେ ସିଦ୍ଧାର୍ଥଙ୍କ ଆଣ୍ଠୁରେ ଆଘାତ ଲାଗିଥିଲା, ତଥାପି ସେ ସୁଟିଂ ଜାରି ରଖିଥିଲେ। ଏବେ ସୁସ୍ଥ ଅଛନ୍ତି ବୋଲି ଶୁଣିବାକୁ ମିଳୁଛି ।
ଏହି ଫିଲ୍ମରେ ଅନେକ ଆକ୍ସନ ସିନ୍ସ ରହିଛି ଏବଂ ଏକ ଆକ୍ସନ ସିନ କରୁଥିବାବେଳେ ସିଦ୍ଧାର୍ଥ ଆହତ ହୋଇଥିଲେ । ପ୍ରକାଶ ଥାଉକି ଫିଲ୍ମ ‘ମିଶନ ମଜନୁ’ର କାହାଣୀ ପ୍ରକୃତ ଘଟଣାକୁ ନେଇ ଆଧାରିତ । କାହାଣୀ ଯାହା 1970 ମସିହାରେ ଘଟିଥିଲା ।
ଯଦି ରଶ୍ମିକାଙ୍କ କଥା ହେବା ତାହାଲେ ସେ ଏହି ଫିଲ୍ମ ଜରିଆରେ ବଲିଉଡରେ ପଦାର୍ପଣ କରିବେ । ଏହାବ୍ୟତୀତ ସେ ବିକାଶ ବହଲଙ୍କ ଆଗାମୀ ନିର୍ଦ୍ଦେଶିତ ଫିଲ୍ମ ‘ଗୁଡବାଏ’ରେ ମଧ୍ୟ ନଜର ଆସିବେ । ଏହା ତାଙ୍କ ଦ୍ବିତୀୟ ହିନ୍ଦୀ ଫିଲ୍ମ । ଯେଉଁଥିରେ ସେ ପ୍ରଥମଥର ମହାନାୟକ ଅମିତାଭ ବଚ୍ଚନଙ୍କ ସହ ଅଭିନୟ କରିବାର ସୁଯୋଗ ପାଇଛନ୍ତି ।
