ମୁମ୍ବାଇ: କୋରୋନା ଭାଇରାସ ପାଇଁ କିଛି ମାସ ହେବ ସିନେମାହଲ ସବୁ ବନ୍ଦ ଅଛି । ଯାହାକୁ ଦୃଷ୍ଟିରେ ରଖି ନିର୍ମାତା ନିଜ ନିଜ ଫିଲ୍ମ ଓଟିଟି ପ୍ଲାଟଫର୍ମରେ ରିଲିଜ କରିବା ଆରମ୍ଭ କରିଦେଇଛନ୍ତି । ଇତିମଧ୍ୟରେ ଲୋକପ୍ରିୟ ଅଭିନେତା ନସିରୁଦ୍ଦୀନ ଶାହ ସପୁରଷ୍ଟାର ସଲମାନ ଖାନଙ୍କ ଫିଲ୍ମକୁ ନେଇ ପ୍ରତିକ୍ରିୟା ଦେଇଛନ୍ତି । ଯାହା ବର୍ତ୍ତମାନ ଚର୍ଚ୍ଚାରେ ।
ସେ ଏକ ସାକ୍ଷାତକାରରେ କହିଥିଲେ ଯେ ସଲମାନଙ୍କ ଫିଲ୍ମ ଓଟିଟି ପ୍ଲାଟଫର୍ମରେ ଯଦି ରିଲିଜ ହେବ, ତେବେ କଣ ସେହିଭଳି ପ୍ରତିକ୍ରିୟା ମିଳିବ ଯେମିତି ସିନେମାହଲରେ ମିଳେ । ଫ୍ୟାନ୍ସ କଣ ତାଳି ଆଉ ସିଟି ବଜାଇବେ । ତାଙ୍କୁ ଏହି କଥା ଉପରେ ସନ୍ଦେହ ହେଉଛି।
ପ୍ରକାଶ ଥାଉକି ସର୍ବପ୍ରଥମେ ଓଟିଟି ପ୍ଲାଟଫର୍ମରେ ଅମିତାଭ ବଚ୍ଚନ ଓ ଆୟୁଷ୍ମାନ ଖୁରାନାଙ୍କ ଚର୍ଚ୍ଚିତ ଫିଲ୍ମ ‘ଗୁଲାବୋ-ସିତାବୋ’ ରିଲିଜ ହୋଇଥିଲା । ଏହାର ସୁଶାନ୍ତ ସିଂ ରାଜପୁତଙ୍କ ଶେଷ ଫିଲ୍ମ ‘ଦିଲ ବେଚାରା’, ‘ଶକୁନ୍ତଳା ଦେବୀ’, ‘ଲୁଟକେସ’, ‘ଗୁଞ୍ଜନ ସକ୍ସେନା: ଦ କାରଗିଲ ଗାର୍ଲ’ ରିଲିଜ ହୋଇଥିଲା ।
