ମୁମ୍ବାଇ: ଆକ୍ଟର ମନୋଜ ବାଜପେୟୀ ସବୁବେଳେ ନିଜ ଅଭିନୟ ପାଇଁ ସମସ୍ତଙ୍କ ମନ କିଣିଥାଆନ୍ତି । ଯେକୌଣସି ରୋଲ ହେଉନାହାଁ କାହିଁକି ସେ ସବୁଥରେ ଦମଦାର ଅଭିନୟ କରନ୍ତି । ଏଥର ସେ ନିଜ ଫ୍ୟାନ୍ସଙ୍କ ପାଇଁ ନୂଆ ସରପ୍ରାଇଜ ଦେବାକୁ ଯାଉଛନ୍ତି । ଖୁବଶୀଘ୍ର ଆସିବ ତାଙ୍କ ଅଭନିତ ଇନଭେଷ୍ଟିଗେଟିଭ ଥ୍ରିଲର ଫିଲ୍ମ । ଯାହାପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି ସେ ।
ଆଗାମୀ ଫିଲ୍ମ ‘ଡିସ୍ପାଚ୍’ରେ ମନୋଜ କ୍ରାଇମ ବିଟ୍ କଭର କରୁଥିବା ଜଣେ ସାମ୍ବାଦିକ ଭୂମିକାରେ ଦେଖାଯିବେ । ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ନିର୍ଦ୍ଦେଶକ କାନୁ ବହଲ । ଯାହାଙ୍କ ବହୁ ଚର୍ଚ୍ଚିତ ଫିଲ୍ମ ‘ତିତଲି’ର ଖୁବ୍ ପ୍ରଶଂସା କରିଥିଲେ କ୍ରିଟିକ୍ସ ।
ପ୍ରକାଶ ଥାଉକି ‘ଡିସ୍ପାଚ୍’ ଜରିଆରେ କ୍ରାଇମ ଦୁନିଆରେ ପ୍ରବେଶ କରିବେ ନିର୍ଦ୍ଦେଶକ । ଏହି ଫିଲ୍ମକୁ ଡିଜିଟାଲ ପ୍ଲାଟଫର୍ମରେ ରିଲିଜ କରିବାର ଯୋଜନା କରିଛନ୍ତି ନିର୍ମାତା ।
