ଲଣ୍ଡନ: ସୋନୁ ସୁଦ ଏମିତି ଅଭିନେତା ଯାହାଙ୍କୁ ଭଗବାନଙ୍କ ସହ ତୁଳନା କରୁଛନ୍ତି ସମସ୍ତେ । କୋରୋନା ସଙ୍କଟ ସମୟରେ ଦେଶବାସୀଙ୍କ ଦୁଃଖ ଦୂର କରିବାକୁ ସବୁ ଅସମ୍ଭବ ଚେଷ୍ଟା କରିଛନ୍ତି ସେ । କେବଳ ଭାରତରେ ନୁହେଁ ବିଦେଶରେ ଫସି ରହିଥିବା ଲୋକଙ୍କୁ ନିଜ ନିଜ ଘରକୁ ମଧ୍ୟ ସୁରକ୍ଷିତ ପଠାଇବାରେ ସେ ସଫଳ । ଏଯାବତ ଏହି କ୍ରମରେ ନିଜକୁ ସକ୍ରିୟ ରଖିଛନ୍ତି ସେ । ଏହି ମହାନ କାରଣ ପାଇଁ ତାଙ୍କୁ ଆଉ ଏକ ସମ୍ମାନରେ ସମ୍ମାନିତ କରାଯାଇଛି । ଆଜ୍ଞା ହଁ, ବୁଧବାର ଲଣ୍ଡନରେ ଲଞ୍ଚ ହୋଇଥିବା ପ୍ରଥମ ବ୍ରିଟେନର 2020 ସେଲିବ୍ରିଟି ଚଳିତ ବର୍ଷ କୋରୋନା ମହାମାରୀ ସମୟରେ ତାଙ୍କର ସାହାସିକ ଉଦ୍ୟମ ପାଇଁ ସୋନୁଙ୍କୁ ବିଶ୍ବର ଏକ ନମ୍ବର ସାଉଥ ଏସିଆ ସେଲିବ୍ରିଟି ଭାବରେ ସମ୍ମାନିତ କରାଯାଇଛି ।
47 ବର୍ଷିୟ ସୋନୁ ସମସ୍ତଙ୍କୁ ପଛରେ ପକାଇ ବିଶ୍ବର 50 ଜଣ ଏସୀୟ ସେଲିବ୍ରିଟି ତାଲିକାରେ ଶୀର୍ଷରେ ରହିବାକୁ ସଫଳ ହୋଇଛନ୍ତି । ଏଥିରେ ସେହି କଳାକାରଙ୍କୁ ସମ୍ମାନ ଦିଆଯାଏ, ଯେଉଁମାନେ ସେମାନଙ୍କର କାର୍ଯ୍ୟକଳାପ ସହିତ ଏକ ସକରାତ୍ମକ ପ୍ରଭାବ ପକାଇଥିଲେ କିମ୍ବା ସେମାନେ ଅନନ୍ୟ ଉପାୟରେ ପ୍ରେରଣାଦାୟକ ସାଜିଥିଲେ । ଆଉ ନାମାଙ୍କନ ପାଇଁ ସେମାନଙ୍କ ଅନେକ ସୋସିଆଲ ମିଡିଆ ପୋଷ୍ଟ ସଂଗ୍ରହ କରାଯାଇଥିଲା ।
ଏହି ଅବସରରେ ସୋନୁ କହିଛନ୍ତି,‘ମହାମାରୀ ସମୟରେ ମୁଁ ଅନୁଭବ କଲି ଯେ ମୋର ଦେଶବାସୀଙ୍କୁ ସାହାଯ୍ୟ କରିବା ମୋର କର୍ତ୍ତବ୍ୟ । ଏହା ଏକ ପ୍ରବୃତ୍ତି ଯାହା ମନ ଭିତରୁ ଆସିଥିଲା । ଲକଡାଉନ ସମୟରେ ଭାରତୀୟ ପ୍ରବାସୀ ଶ୍ରମିକଙ୍କୁ ସାହାଯ୍ୟ କରିଥିବାରୁ ମତେ ଅନେକ ପ୍ରେମ, ସ୍ନେହ ମିଳିଛି । ଯାହାପାଇଁ ମୁଁ କୃତଜ୍ଞ । ମୁଁ ଭାବୁଛି ଲୋକଙ୍କ ସମସ୍ତ ପ୍ରେମ ଯାହା ମୁଁ ଗ୍ରହଣ କରିଛି ତାହା କେବଳ ସେମାନଙ୍କର ଇଚ୍ଛା ଏବଂ ପ୍ରାର୍ଥନା । ଲୋକଙ୍କ ସେବା କରିବା ମୋ ମୋର ଶେଷ ନିଶ୍ବାସ ପର୍ଯ୍ୟନ୍ତ ବନ୍ଦ କରିବି ନାହିଁ ।’