ହାଇଦ୍ରାବାଦ: ବଲିଉଡ଼ ଡ଼ିଭା ଦିୟା ମିର୍ଜାଙ୍କୁ କୁନି ଶିଶୁ ଅଭୟାନ୍ ଆଜାଦ ପାଳିଛି ପ୍ରଥମ ରାକ୍ଷୀ ପୂର୍ଣ୍ଣିମା । ଦିୟାଙ୍କ ସାବତ ଝିଅ ତାଙ୍କୁ ରାକ୍ଷୀ ପିନ୍ଧାଇଛନ୍ତି । ଭାଇ ଭଉଣୀ ରାକ୍ଷୀ ପୂର୍ଣ୍ଣିମା ପାଳିବାର ଫଟୋକୁ ଦିଆ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି ।
- " class="align-text-top noRightClick twitterSection" data="
">
ଦିୟା ଇନଷ୍ଟାଗ୍ରାମରେ ସେୟାର କରିଥିବା ଫଟୋରେ ତାଙ୍କ ସାବତ ଝିଅ ସମାଇରା ରେଖି ଶିଶୁ ଅଭୟାନଙ୍କୁ ରାକ୍ଷୀ ପିନ୍ଧାଉଥିବା ଦେଖିବାକୁ ମିଳିଛି । ଏହି ପୋଷ୍ଟରେ ଦିଆ ଲେଖିଛନ୍ତି ସେମାନେ ପରସ୍ପରକୁ ଭଲ ପାଇବା ସହିତ ପରସ୍ପରର ଯତ୍ନ ନେବେ । ଆଉ ଏକ ପୋଷ୍ଟରେ ସମାଇରା ଓ ଶିଶୁ ଅଭୟାନ ହାତରେ ରାକ୍ଷୀ ପିନ୍ଧିଥିବାର ଫଟୋକୁ ସେ ସେୟାର କରିଛନ୍ତି । ନିଜ ୩ୟ ପୋଷ୍ଟରେ ସେ ସାବତ ଝିଅ ସମାଇରାଙ୍କ ସହିତ ହଳଦିଆ ରଙ୍ଗର ପୋଷାକ ପିନ୍ଧିଥିବାର ଫଟୋକୁ ସେୟାର କରିଛନ୍ତି । ଆଉ ଏହାର କ୍ୟାପସନରେ ଲେଖିଛନ୍ତି,"ମେରା ପିଲା(ହଳଦିଆ) ପରିବାର ।"
- " class="align-text-top noRightClick twitterSection" data="
">
ଦିୟା ଫେବୃଆରୀ ୨୦୨୧ରେ ଶିଳ୍ପପତି ବୈଭବ ରେଖିଙ୍କୁ ବିବାହ କରିଥିଲେ । ବାହାଘରରେ କିଛି ମାସ ପରେ ସେ ଗର୍ଭବତୀ ଥିବା ସୂଚନା ଦେଇଥିଲେ । ଏହାପରେ ମେ ୧୪ ତାରିଖରେ ସେ ଏକ ପୁତ୍ର ସନ୍ତାନଙ୍କୁ ଜନ୍ମ ଦେଇଥିଲେ । ତେବେ ସେ ନିର୍ଦ୍ଧାରିତ ସମୟ ପୂର୍ବରୁ ପୁତ୍ରକୁ ଜନ୍ମ ଦେଇଥିଲେ । ଦିଆ ବର୍ତ୍ତମାନ ସ୍ବାମୀ ବୈଭବଙ୍କ ପ୍ରଥମ ପତ୍ନୀ ତଥା ଯୋଗ ଆର୍ଟିଷ୍ଟ ସୁନେନା ରେଖିଙ୍କ ଝିଅ ସମାଇରା ରେଖିଙ୍କ ସହିତ ରହୁଛନ୍ତି ।
ପୂର୍ବରୁ ନିଜ ବିବାହରେ ପରମ୍ପରାକୁ ଭାଙ୍ଗିବା ପାଇଁ ଦିଆ ଚର୍ଚ୍ଚାରେ ଥିଲେ । ସେ ଜଣେ ମହିଳା ପୂଜାରିଣୀଙ୍କ ଦ୍ବାରା ବିବାହ କାର୍ଯ୍ୟ ସମ୍ପନ୍ନ କରିଥିବା ବେଳେ 'କନ୍ୟାଦାନ' ଓ 'ବିଦାଇ' ରୀତିନୀତିକୁ ଆପଣାଇନଥିଲେ । ବର୍ତ୍ତମାନ ତାଙ୍କ ଶିଶୁ ପୁତ୍ରର ରାକ୍ଷୀ ପୂର୍ଣ୍ଣିମା ସେଲିବ୍ରେସନକୁ ସୋସିଆଲ ମିଡ଼ିଆରେ ଟ୍ରୋଲ କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
