ନୂଆଦିଲ୍ଲୀ : କିଛିଦିନ ପୂର୍ବରୁ ନେଟଫ୍ଲିକ୍ସ 2021ରେ ରିଲିଜ୍ ହେବାକୁ ଥିବା 40 ରୁ ଅଧିକ ଚଳଚ୍ଚିତ୍ର, ୱେବ୍ ସିରିଜ୍ ଏବଂ ଡକ୍ୟୁମେଣ୍ଟ୍ରିର ଘୋଷଣା କରିଥିଲା । ଏଥିମଧ୍ୟରୁ ଗୋଟିଏ ହେଉଛି ‘ପଗଲେଟ, ଯାହା 26 ମାର୍ଚ୍ଚରେ ପ୍ଲାଟଫର୍ମକୁ ଆସିବ ।
ନେଟଫ୍ଲିକ୍ସ ମଙ୍ଗଳବାର ଦିନ ‘ପଗଲେଟ’ର ଟ୍ରେଲର ରିଲିଜ କରିଛି । ଫେବୃଆରୀରେ ଫିଲ୍ମର ମୁଖ୍ୟ ଅଭିନେତ୍ରୀ ସାନ୍ୟା ମାଲହୋତ୍ରାଙ୍କ ଜନ୍ମଦିନରେ ଏହାର ଟିଜର ମୁକ୍ତିଲାଭ କରିଥିଲା ।
- " class="align-text-top noRightClick twitterSection" data="">
ଏହି ଫିଲ୍ମରେ ସାନ୍ୟା ସନ୍ଧ୍ୟାଙ୍କ ଭୂମିକାରେ ନଜର ଆସିବେ । ଫିଲ୍ମରେ ବିବାହର କିଛି ଦିନ ପରେ ସନ୍ଧ୍ୟାଙ୍କ ସ୍ବାମୀଙ୍କର ମୃତ୍ୟୁ ହୋଇଯାଏ । ଯାହାକୁ ନେଇ ସମଗ୍ର ପରିବାର ଏବଂ ସମ୍ପର୍କୀୟମାନେ ଦୁଃଖ ପ୍ରକାଶ କରୁଥିବାବେଳେ ସନ୍ଧ୍ୟା ଏପରି ବ୍ୟବହାର କରନ୍ତି ଯେପରି କି କିଛି ଘଟିନାହିଁ । ଟ୍ରେଲରରେ ଏକ ଡାଇଗଲ ଅଛି, ଯେତେବେଳେ ଝିଅମାନଙ୍କୁ ଅକଲ ଆସେ, ସମସ୍ତେ ତାଙ୍କୁ ପଗଲେଟ ବୋଲି କୁହନ୍ତି ।
ପ୍ରକାଶ ଥାଉ ଯେ, ‘ପଗଲେଟ’ର ଉମେଶ ବିଷ୍ଟ ନିର୍ଦ୍ଦେଶନା ଦେଇଛନ୍ତି । ଏହି ଚଳଚ୍ଚିତ୍ରରେ ସାନ୍ୟାଙ୍କ ବ୍ୟତୀତ ରଘୁବୀର ଯାଦବ, ଆଶୁତୋଷ ରଣା, ଶିବା, ରାଜେଶଙ୍କ ପରି କଳାକାରମାନେ ନଜର ଆସିବେ ।
