ମୁମ୍ବାଇ: ସୋସିଆଲ ନେଟୱାର୍କିଂ ସାଇଟ ଇନଷ୍ଟାଗ୍ରାମରେ ବି-ଟାଉନର ଦବଙ୍ଗ ବୟ ସଲମାନ ଖାନଙ୍କ 3 କୋଟି ଫଲୋଅର୍ସ ହୋଇସାରିଛନ୍ତି। ଯାହାକୁ ନେଇ ତାଙ୍କ ଖୁସି ନକହିଲୋ ସରେ। ସେ ଫ୍ୟାନ୍ସଙ୍କୁ ଶାନଦାର ଅନ୍ଦାଜରେ ଧନ୍ୟବାଦ ଜଣାଇଛନ୍ତି। 80 ଦଶକଙ୍କୁ ଦର୍ଶକଙ୍କ ହୃଦୟରେ ରାଜ୍ କରିଆସୁଥିବା ସଲମାନ ଫ୍ୟାନ୍ସଙ୍କୁ ଧନ୍ୟବାଦ ଜଣାଇବାକୁ ଯାଇ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି।
- " class="align-text-top noRightClick twitterSection" data="
">
ଆଉ ଏହାର କ୍ୟାପସନରେ ସେ ଲେଖିଛନ୍ତି, ‘ଉଇ ମାଂ 3 କୋଟି, ସମସ୍ତଙ୍କୁ ଧନ୍ୟବାଦ।’ ତାଙ୍କ ଏହି ଭିଡିଓରେ ପ୍ରଶଂସକ ଶାନଦାର ପ୍ରତିକ୍ରିୟା ଦେବାରେ ଲାଗିଛନ୍ତି। ଜଣେ ପ୍ରଶଂସକ ଲେଖିଛନ୍ତି,‘ଲଭ ୟୁ ସଲମାନ ଖାନ।’ ସେହିପରି ଆଉ ଜଣେ ୟୁଜର ଲେଖିଛନ୍ତି, ‘ଓହୋ ସ୍ବାଗ।’
ମୁଁ ଆପଣଙ୍କ ସବୁଠାରୁ ବଡ ପ୍ରଶଂସକ ବୋଲି ଆଉ ଜଣେ ପ୍ରଶଂସକ ଲେଖିଛନ୍ତି। ମାତ୍ର 24 ଘଣ୍ଟାରେ ତାଙ୍କ ଏହି ଭିଡିଓକୁ 38 ଲଭରୁ ଅଧିକଥର ଦେଖାସରିଲାଣି। ପ୍ରକାଶ ଥାଉକି ସଲମାନ ବର୍ତ୍ତମାନ ନିଜ ବହୁ ପ୍ରତିକ୍ଷିତ ଫିଲ୍ମ ‘ରାଧେ: ୟୋର ମୋଷ୍ଟ ୱାଣ୍ଟେଡ ଭାଇ’ ସୁଟିଂରେ ଖୁବ୍ ବ୍ୟସ୍ତ । ଫିଲ୍ମରେ ତାଙ୍କ ସହ ଦିଶା ପଟାନୀ, ଜ୍ୟାକି ଶ୍ରଫ, ରଣଦୀପ ହୁଡ୍ଡା ଓ ଜରୀନା ୱାହବ ମୁଖ୍ୟ ଭୂମିକାରେ ଦେଖାଯିବେ। ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ନିର୍ଦ୍ଦେଶକ, ଅଭିନେତା ପ୍ରଭୁଦେବା। ଏବର୍ଷ ଇଦରେ ରିଲିଜ ହେବ ଫିଲ୍ମ। ଫିଲ୍ମରେ ଦର୍ଶକ ପୁଣିଥରେ ସଲମାନଙ୍କ ପୋଲିସ ଅବତାର ଦେଖିବାକୁ ପାଇବେ।
