ମୁମ୍ବାଇ: ଗ୍ଲୋବାଲ ଆକ୍ଟ୍ରେସ ପ୍ରିୟଙ୍କା ଚୋପ୍ରା ଓ ତାଙ୍କ ସ୍ବାମୀ ନିକ ଜୋନସ ସୋସିଆଲ ମିଡିଆର ସବୁଠାରୁ ପପୁଲାର କପଲ ମଧ୍ୟରେ ଅନ୍ୟତମ । ସବୁବେଳେ ସୋସିଆଲ ମିଡିଆରେ ଏହି ଯୋଡି ଆକ୍ଟିଭ ରହୁଥିବାର ନଜର ଆସନ୍ତି । ଇତିମଧ୍ୟରେ ଏବେ ସୋସିଆଲ ମିଡିଆରେ ଛାଇଯାଇଛନ୍ତି ଆମେରିକାନ ଗାୟକ ନିକ । ଏଥର ସେ କୌଣସି ମ୍ୟୁଜିକ ଭିଡିଓ ପାଇଁ ନୁହେଁ ବଲିଉଡର ଲୋକପ୍ରିୟ ଅଭିନେତା ଗୋବିନ୍ଦାଙ୍କ ପାଇଁ ଚର୍ଚ୍ଚାରେ ଅଛନ୍ତି ।
ଆଜ୍ଞା ହଁ, ଶୁକ୍ରବାର ରାତିରେ ନିକ ଇନଷ୍ଟାଷ୍ଟୋରୀରେ ଏକ ମିମି ସେୟାର କରିଥିଲେ ନିକ । ଯେଉଁଥିରେ ସେ ଗୋବିନ୍ଦାଙ୍କ ସହ ନଜର ଆସୁଛନ୍ତି । ସବୁଠାରୁ ମଜାଦାର କଥା ହେଲା କି ସେ ଅବିକଳ ଗୋବିନ୍ଦାଙ୍କ ଲୁକରେ ମିମିରେ ଦେଖାଯାଉଛନ୍ତି । ନିକ, ଗୋବିନ୍ଦାଙ୍କ ସହ ନିଜ ଫଟୋ କୋଲାଜ କରି ‘ଅବିକଳ’ ଲେଖିଛନ୍ତି ।
ଗୋବିନ୍ଦାଙ୍କ ଫିଲ୍ମ ଫଟୋ ସହ ନିକ ନିଜର ନିକଟରେ ରିଲିଜ ହୋଇଥିବା ମ୍ୟୁଜିକ ଭିଡିଓ ‘ଓନଲି ହ୍ୟୁମାନ’ର ଏକ ଫଟୋକୁ ଯୋଡି ସେୟାର କରିଛନ୍ତି । ପ୍ରକାଶ ଥାଉକି ଗତ ବର୍ଷ ଡିସେମ୍ବର 1,2ରେ ଦେଶୀ ଗାର୍ଲ ପ୍ରିୟଙ୍କାଙ୍କୁ ପ୍ରେମ ବିବାହ କରିଥିଲେ ନିକ ।
