ମୁମ୍ବାଇ: ସେଲିବ୍ରିଟି କପଲ ନେହା ଧୁପିଆ ଓ ଅଙ୍ଗଦ ବେଦି ରବିବାର ପିତାମାତା ହେବାର ସୌଭାଗ୍ୟ ଲାଭ କରିଛନ୍ତି । ଅଙ୍ଗଦ ଏହି ଖବର ସୋସିଆଲ ମିଡ଼ିଆ ମାଧ୍ୟମରେ ନିଜ ଫ୍ୟାନ୍ସଙ୍କୁ ସୂଚନା ଦେଇଛନ୍ତି । ନେହାଙ୍କ ଗର୍ଭବତୀ ସମୟର ଫଟୋକୁ ଇନଷ୍ଟାଗ୍ରାମରେ ପୋଷ୍ଟ କରି ଅଙ୍ଗଦ ଦେଇଛନ୍ତି ଏହି ଖୁସି ଖବର ।
- " class="align-text-top noRightClick twitterSection" data="
">
ଉଭୟ ମା' ଓ ଶିଶୁ ସୁସ୍ଥ ଥିବା କହିଛନ୍ତି ଅଙ୍ଗଦ । ଖବର ଆସିବା ପରେ ଏହି କପଲଙ୍କ ନିକଟକୁ ଅଭିନୟ ଜଗତ ଓ ପ୍ରଶଂସକଙ୍କ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ନେହା ଦ୍ବିତୀୟ ଥର ପାଇଁ ପୁତ୍ର ସନ୍ତାନର ମା’ ହୋଇଛନ୍ତି । ସେ ଗତ ୨୦୧୮ ନଭେମ୍ବର ୧୮ ତାରିଖରେ ଜଣେ କନ୍ୟା ସନ୍ତାନକୁ ଜନ୍ମ ଦେଇଥିଲେ ।
ଗତ ଜୁଲାଇ ୧୯ ତାରିଖରେ ନେହା ଦ୍ବିତୀୟ ଥର ପାଇଁ ଗର୍ଭବତୀ ଥିବା ଘୋଷଣା କରିଥିଲେ । ଦୁହେଁ ୨୦୧୮ ମସିହା ମେ ମାସରେ ବିବାହ କରିଥିଲେ । ସେପଟେ ଅଭିନେତ୍ରୀ ସୋହା ଅଲ୍ଲୀ ଖାନ ନେହାଙ୍କୁ ହସ୍ପିଟାଲରେ ଭେଟି ଏକ ଫଟୋ ସେୟାର କରିଥିବା ମଧ୍ୟ ଦେଖିବାକୁ ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
