ମୁମ୍ବାଇ: ଏନସିବି ଡ୍ରଗ୍ସ ମାମଲାରେ ଟେଲିଭିଜନ ଅଭିନେତ୍ରୀ ପ୍ରୀତିକା ଚୌହାନଙ୍କୁ ଗିରଫ କରିଛି । ପ୍ରିତିକାଙ୍କ ସହ ଡ୍ରଗ୍ସ ଚୋରା ଚାଲାଣକାରୀ ଫେସଲଙ୍କୁ ମଧ୍ୟ ଗିରଫ କରାଯାଇଛି ।
ଅଧିକାରୀମାନେ କହିଛନ୍ତି ଯେ, ସୂଚନା ପାଇବା ପରେ ଶନିବାର ବିଳମ୍ବିତ ରାତିରେ ଏନସିବି ମୁମ୍ବାଇ ଜୋନଲ ୟୁନିଟ୍ ଅଧିକାରୀମାନେ ବର୍ସୋଭା ଠାରେ ଏହି ଯୋଡିଙ୍କୁ ଗିରଫ କରିଥିଲା । ଉଭୟଙ୍କ ଠାରୁ 99 ଗ୍ରାମ ଗଞ୍ଜା ଜବତ କରାଯାଇଛି ।
ଏନସିବି କହିଛି ଯେ, ଉଭୟ ବର୍ସୋଭାରେ ରହୁଥିବା ଜଣେ ବ୍ୟକ୍ତି ଦୀପକ ରାଠୋରଙ୍କ ଠାରୁ ଗଞ୍ଜେଇ ସୋର୍ସିଂ କରୁଥିବାର କଥାକୁ ମାନିଛନ୍ତି ।
ଏନସିବି ଅଭିଯୁକ୍ତଙ୍କୁ ରବିବାର ରିମାଣ୍ଡରେ ନେବାକୁ କୋର୍ଟରେ ହାଜର କରାଯାଇଛି ଏବଂ ଅଧିକ ତଦନ୍ତ ଚାଲିଛି ।
ହିମାଚଳ ପ୍ରଦେଶର 30 ବର୍ଷୀୟ ପ୍ରୀତିକା ଚୌହାନ ଗତ ପାଞ୍ଚ ବର୍ଷ ମଧ୍ୟରେ ସିଆଇଡି, ସାବଧାନ ଇଣ୍ତିଆ ଏବଂ ହନୁମାନ ପରି ଅନେକ ଟିଭି ସିରିଏଲରେ କାମ କରିଛନ୍ତି ।
ଏହାପୂର୍ବରୁ ଏନସିବି ଅଧିକାରୀମାନେ ଶନିବାର ରାତିରେ ମୁମ୍ବାଇର ମସଜିଦ ବନ୍ଦର ଷ୍ଟେସନ ନିକଟରେ ଚାରି ଗ୍ରାମ କୋକିନ ସହ ଜଣଙ୍କୁ ଗିରଫ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
