ହାଇଦ୍ରାବାଦ: ଅକ୍ଷୟ କୁମାରଙ୍କ ଅଭିନୀତ ଫିଲ୍ମ ‘ମିଶନମଙ୍ଗଲ’ ତାଙ୍କ କ୍ୟାରିୟରର ସବୁଠାରୁ ବଡ ଓପନର ପ୍ରମାଣିତ ହୋଇଛି । ଫିଲ୍ମ ‘ଗୋଲ୍ଡ’ର ରେକର୍ଡ ଭାଙ୍ଗିଛି ‘ମିଶନମଙ୍ଗଲ’ । କେବଳ ଭାରତକୁ ଛାଡି ଚଳିତ ବର୍ଷର ସମସ୍ତ ଫିଲ୍ମକୁ ପଛରେ ପକାଇଛି ମଙ୍ଗଲ ମିଶନ ।
ପ୍ରଥମ ଦିନରେ ଫିଲ୍ମ 29.16କୋଟି ରୋଜଗାର କରିଛି । ଚଳଚ୍ଚିତ୍ର ସମୀକ୍ଷକ ଫିଲ୍ମକୁ ଅତି ପ୍ରଶଂସା କରିଛନ୍ତି । ଫିଲ୍ମ 200କୋଟି କ୍ଲବରେ ନିଶ୍ଚିତ ପ୍ରବେଶ କରିବ ବୋଲି ଆଶା ପ୍ରକାଶ କରିଛନ୍ତି । ଅକ୍ଷୟଙ୍କ ଫିଲ୍ମ କେଶରୀ 155କୋଟିରେ ସାମିଲ ହୋଇଥିବାବେଳେ 2.0 100କୋଟି କ୍ଲବରେ ପ୍ରବେଶ କରିଥିଲା ।
କିଛି ଦିନ ତଳେ ସଲମାନ ଖାନ ଅକ୍ଷୟଙ୍କୁ ପରିଶ୍ରମୀ କହିଥିଲେ ଓ ଖାନ ମାନଙ୍କଠାରୁ ଅଧିକ ଫିଲ୍ମ କରିବା ସହ ଅଧିକ ରୋଜଗାର କରନ୍ତି ବୋଲି ମଧ୍ୟ କହିଥିଲେ । ପ୍ରକାଶଥାଉକି, ଚଳିତ ବର୍ଷ ସବୁଠୁ ଅଧିକ ରୋଜଗାର କରୁଥିବା ଷ୍ଟାରଙ୍କ ଲିଷ୍ଟରେ ପ୍ରଥମେ ଅକ୍ଷୟ କୁମାର ଅଛନ୍ତି ।
