ମୁମ୍ବାଇ: ସୋସିଆଲ ମିଡିଆରେ ସେଲିବ୍ରେଟି ଟ୍ରୋଲର ଶିକାର ହେବା କିଛି ନୂଆ କଥା ନୁହେଁ । ତେବେ ଏବେ ଏହାର ଶୀକାର ହୋଇଛନ୍ତି ଶାହିଦ କପୁରଙ୍କ ପତ୍ନୀ ମୀରା ରାଜପୁତ ।
ସୋସିଆଲ ମିଡିଆରେ ଏବେ ଶାହିଦଙ୍କ ସହିତ ମୀରାଙ୍କ ଏକ ଫଟୋ ଭାଇରାଲ ହେଉଛି। ଯେଉଁ ଫଟୋରେ ମୀରା ନିଜ ହାତରେ ସ୍ୟାଣ୍ଡେଲ ଧିର ଖାଲି ପାଦରେ ଚାଲୁଥିବାର ନଜର ଆସିଛନ୍ତି ।
ତେବେ ଏଠାରେ ସୂଚନାଯୋଗ୍ୟ, ଏହି ଫଟୋଟି ହେଉଛି ନିକଟରେ ଶାହିଦ ଏବଂ ମୀରା ମୋଦିଙ୍କ ଶପଥ ଗ୍ରହଣ ଉତ୍ସବରେ ଯୋଗ ଦେଇଥିବାର ଫଟୋ । ଉଭୟ ଶପଥ ଗ୍ରହଣ ଉତ୍ସବରୁ ଫେରିବା ସମୟରେ ଏହ ଫୋଟ ଉଠାଇଥିଲେ ।
ତେବେ ମୀରାଙ୍କ ହାତରେ ଏହି ସ୍ୟାଣ୍ଡେଲ ଟ୍ରୋଲର୍ସଙ୍କୁ ଖାସ୍ ପସନ୍ଦ ଆସିନଥିଲା । ଯେଉଁ କାରଣରୁ ତାଙ୍କୁ ଟ୍ରୋଲ କରିବା କରିବା ଆରମ୍ଭ କରି ଦେଇଥିଲେ ଟ୍ରୋଲର। ତେବେ କିଛି ଲୋକେ ମୀରାଙ୍କ ସପୋର୍ଟରେ ମଧ୍ୟ ବାହାରିଛନ୍ତି।
ଏହି ଫଟୋରେ ଜଣେ ୟୁର୍ଜସ ଲେଖିଥିଲେ, ଏକ ଲମ୍ବା ଦିନ ପାଇଁ ସେ ହିଲ୍ ବଦଳରେ ସ୍ଲିପର ପିନ୍ଧି ପାରିଥାନ୍ତେ। ମାତ୍ର ସେ ନ୍ୟୁଜରେ ଆସିବା ପାଇଁ ଏହି ଚପଲ ନିଜ ହାତରେ ଧରିଛନ୍ତି । ସାଧାରଣ ଲୋକେ ଅଧିକ ଥକି ଯାଇଥିଲେ ମଧ୍ୟ ସେମାନେ କେବେ ଖାଲି ପାଦରେ ଚାଲନ୍ତି ନାହିଁ ।
ସେହିଭଳି ଆଉ ଜଣେ ୟୁର୍ଜସ ଲେଖିଥିଲେ, ଏମାନେ ଯାହା କିଛି କଲେ ତାହା ଫ୍ୟାସନ ପାଲଟି ଯାଏ । ତେଣିକି ସେ ହାତରେ ଚପଲ ଧରି ହେଉ ଅବା ଖାଲି ପାଦରେ ଚାଲି ହେଉ ।
ତେବେ ଏସବୁ ଭିତରେ ଜଣେ ୟୁର୍ଜସ ମିରାଙ୍କ ସପକ୍ଷରେ ବାହିର ଲେଖିଥିଲେ, ଯଦି ଏହା ଦୀପିକା, ଆଲିୟା କିମ୍ବା କ୍ୟାଟ୍ରିନା କରିଥା'ନ୍ତେ ତେବେ ଲୋକେ କହିଥା'ନ୍ତେ ଏମାନେ ଖୁବ୍ ସରଳ । କିନ୍ତୁ ଯେହେତୁ ଏହା ମୀରା କରିଛନ୍ତି ତେଣୁ ତାଙ୍କୁ ଟ୍ରୋଲର ଶିକାର ହେବାକୁ ପଡୁଛି ।
