ହାଇଦ୍ରାବାଦ: କଙ୍ଗନା ରଣାୱତ ଓ ରାଜକୁମାର ରାଓଙ୍କ ଅଭିନୀତ ଫିଲ୍ମ 'ମେଣ୍ଟାଲ ହେ କ୍ୟା'ର ରିଲିଜ ଡେଟ ଘୁଞ୍ଚିଲା । ଆଗରୁ ମେ 21 ରେ ରିଲିଜ ହେବାକୁ ଥିବା ବେଳେ ଏବେ ମେ 26ରେ ରିଲିଜ ହେବ । ଏହାର ଖବର ଦେଇଛନ୍ତି ଚଳଚ୍ଚିତ୍ର ସମୀକ୍ଷକ ତରଣ ଆଦର୍ଶ ।
ତେବେ ଏକତା କପୁରଙ୍କ ବାଲାଜୀ ପ୍ରଡକ୍ସନ ହାଉସ ଏହି ସମ୍ପର୍କିତ ଏକ ନୋଟିସ ଦେଇଛନ୍ତି । ନୂଆ ରିଲିଜ ତାରିଖ ସହ ହ୍ରିତିକ ରୋଶନଙ୍କ 'ସୁପର-30' ସହ ବକ୍ସ ଅଫିସରେ ଲଢେଇ କରିବ 'ମେଣ୍ଟାଲ ହେ କ୍ୟା' ।
ତେବେ ଜାନୁଆରୀ ମାସରେ ସୁପର-30ର ରିଲିଜ ତାରିଖ ଘୋଷଣା କରାଯାଇଥିଲା । ତେବେ ଦୁଇଟି ଫିଲ୍ମ ଗୋଟେ ଦିନରେ ରିଲିଜ ହେବାକୁ ଥିବାରୁ 'ମେଣ୍ଟାଲ ହେ କ୍ୟା'ର ନିର୍ମାତା ସୁପର-30ର ନିର୍ମାତାଙ୍କ ସହ ଏନେଇ କଥା ହୋଇଥିଲେ ।
ତେବେ 'ମେଣ୍ଟାଲ ହେ କ୍ୟା' କଙ୍ଗନାଙ୍କ ସହ ରାଜକୁମାର ରାଓ ମଧ୍ୟ ନଜର ଆସିବେ । ଫିଲ୍ମର ନିର୍ଦ୍ଦେଶନା ଦେଇଛନ୍ତି ପ୍ରକାଶ କୋଭେଲାମୁଦି । କଙ୍ଗନା ଶେଷଥର 'ମଣିକର୍ଣ୍ଣିକା' ରେ ନଜର ଆସିଥିଲେ ଓ ରାଜକୁମାର ରାଓ 'ଏକ ଲଡକି କୋ ଦେଖା ତୋ ଏୈସା ଲଗା' ରେ ନଜର ଆସିଥିଲେ ।
