ମୁମ୍ବାଇ: ଆକ୍ସନ ମାଷ୍ଟର ଭୀରୁ ଦେବଗନଙ୍କ ଆତ୍ମାର ସଦଗତି ନିମନ୍ତେ ଆୟୋଜିତ ହୋଇଯାଇଛି ପ୍ରାର୍ଥନା ସଭା । ମେ 27ତାରିଖରେ ଆଖିବୁଜିଥିଲେ ଭୀରୁ । ଗତକାଲି ଆୟୋଜିତ ସଭାରେ ବଲିଉଡର ଜଗତର ଅନେକ ଷ୍ଟାର ନଜର ଆସି ଅଜୟଙ୍କୁ ଦେଇଥିଲେ ସାନ୍ତ୍ବନା ।
ଭିଡିଓ ସୌଜନ୍ୟ: ଇନଷ୍ଟାଗ୍ରାମ@viralbhayani
ପିତାଙ୍କ ବିୟୋଗରେ ମ୍ରିୟମାଣ ଅଜୟଙ୍କୁ ସାନ୍ତ୍ବନା ଦେବାକୁ ପହଞ୍ଚିଛି ସାରା ବି-ଟାଉନ । ଅମିତାଭ ବଚ୍ଚନ, ସଲମାନ ଖାନ, କରିନା କପୁର, କରିସ୍ମା, ଅରବାଜ, ସୋହେଲ, ଡିମ୍ପଲ କାପାଡିଆ, ଶକ୍ତି କପୁର, ଅରୁଣା ଇରାନୀ ଆଦି ପ୍ରାର୍ଥନା ସଭାରେ ଅଜୟଙ୍କ ପରିବାରକୁ ସମ୍ଭାଳିଥିଲେ ।
ପୂର୍ବରୁ ଭୀରୁଙ୍କ ଅନ୍ତିମ ସଂସ୍କାରରେ ପହଞ୍ଚିଥିଲେ ଶାହରୁଖ, ସୈଫ, ଐଶ୍ବର୍ଯ୍ୟା, ଅଭିଶେକ ଆଦି କିଛି ଷ୍ଟାର । ପିତାଙ୍କ ବିୟୋଗ ପରେ ପ୍ରଥମଥର ପାଇଁ ଗତକାଲି ଅଜୟ ଟ୍ବିଟ କରି ସମସ୍ତ ବନ୍ଧୁଙ୍କୁ ଧନ୍ୟବାଦ ଜଣାଇଛନ୍ତି ।
