ମୁମ୍ବାଇ: ଫେମସ ଆକ୍ଟର ଦିଲଜିତ ଦୋସାଞ୍ଝ ଓ ମନୋଜ ବାୟପେୟୀଙ୍କ କମେଡି ଡ୍ରାମା ଫିଲ୍ମ ‘ସୁରଜ ପେ ମଙ୍ଗଲ ଭାରି’ଙ୍କୁ ନେଇ ଏକ୍ସାଇଟେଡ ଦର୍ଶକ । ନିକଟରେ ରିଲିଜ ହୋଇଥିବା ଫିଲ୍ମର ଦମଦାର ଟ୍ରେଲରକୁ ଖୁବ୍ ପସନ୍ଦ କରିଥିଲେ ସମସ୍ତେ । ଆଉ ଏବେ ଦର୍ଶକଙ୍କ ଏକ୍ସାଇଟମେଣ୍ଟକୁ ଦୁଇଗୁଣ ବଢାଇ ଦେଇଛି ଫିଲ୍ମର ପ୍ରଥମ ଆଇଟମ ସଙ୍ଗ ‘ବସନ୍ତୀ ଆଜ’।
ସେହିପରି ପ୍ରଥମଥର କୌଣସି ବଲିଉଡ ଫିଲ୍ମରେ ଫେମସ ଅଭିନେତ୍ରୀ କରିସ୍ମା ତନ୍ନା ଆଇଟମ ଗୀତରେ ନଜର ଆସିଛନ୍ତି । ତାଙ୍କ ସେକ୍ସୀ ଅନ୍ଦାଜ ସହ ଜବରଦସ୍ତ ଡାନ୍ସ କରିଛନ୍ତି ମନୋଜ । ଯାହାକୁ ଦେଖି ଦର୍ଶକ ମଧ୍ୟ ନାଚିବାକୁ ବାଧ୍ୟ ହେବେ । କାରଣ ମନୋଜଙ୍କୁ କେବେ ମଧ୍ୟ କୌଣସି ଫିଲ୍ମରେ ଅଧିକ ଡାନ୍ସ କରୁଥିବାର ଦେଖିବାକୁ ମିଳିନାହିଁ । ଏଥି ପାଇଁ ତାଙ୍କ ଏହି ଆଇଟମ ସଙ୍ଗ ସମସ୍ତଙ୍କ ମନ କିଣିବାକୁ ଯାଉଛି।
ମନୋଜ ନିଜେ ମଧ୍ୟ ଏହି ଡାନ୍ସକୁ ନେଇ ଉତ୍ସାହିତ ଅଛନ୍ତି । ସେ ବିଶ୍ବାସ କରନ୍ତି ଯେ ଯଦି କୌଣସି ଗୀତ କାହାଣୀକୁ ଆଗକୁ ନେବାରେ ସାହାଯ୍ୟ କରେ ତେବେ ସେ ଡାନ୍ସ କରିପାରିବେ । ଆଉ ଏହି ଗୀତ ମାଧ୍ୟମରେ ସେ ନିଜ ଡାନ୍ସକୁ ଏକ୍ସପ୍ଲୋର କରିବାକୁ ଚାହୁଁଛନ୍ତି ବୋଲି ଏକ ସାକ୍ଷାତକାରରେ କହିଛନ୍ତି ।
- " class="align-text-top noRightClick twitterSection" data="">
ପ୍ରକାଶ ଥାଉକି ନିର୍ଦ୍ଦେଶକ ଅଭିଷେକ ଶର୍ମାଙ୍କ ଏହି କେମଡି ଡ୍ରାମା ଫିଲ୍ମରେ ଦିଲଜିତଙ୍କ ସହ ରୋମାନ୍ସ କରିବେ ଫାତିମା ସନା ସେଖ । ସେହିପରି ଟ୍ରେଲରରେ ଦେଖିବାକୁ ମିଳିଥିଲା ଯେ ଦିଲଜିତ ବିବାହ କରିବାକୁ ଚାହୁଁଛନ୍ତି । ହେଲେ ଯେବେ ମଧ୍ୟ ସେ ବିବାହ ପ୍ରସ୍ତାବ ନେଇ ଯାଉଛନ୍ତି, ତେବେ ରିଜେକ୍ଟର ସାମ୍ନା କରୁଛନ୍ତି । ପରେ ତାଙ୍କୁ ଜଣାପଡିଲା ଯେ ମଙ୍ଗଳ ନାମକ ଜଣେ ବ୍ୟକ୍ତି ତାଙ୍କର ଜାସୁସି କରୁଛି । ଆଉ ତାଙ୍କ ବିବାହ ଭାଙ୍ଗି ଦେଉଛି । ଏହାପରେ ମଙ୍ଗଳଙ୍କ ଭଉଣୀଙ୍କୁ ନିଜ ପ୍ରେମ ଜାଲ୍ରେ ଫସାଇ ତାଙ୍କଠୁ ବଦଲା ନେବାକୁ ଲାଗିପଡିଛନ୍ତି ଦିଲଜିତ ।
