ମୁମ୍ବାଇ: ଏବେ ଫିଲ୍ମ ସହ ୱେବ ସିରିଜ ଦେଖିବାକୁ ଖୁବ୍ ପସନ୍ଦ କରୁଛନ୍ତି ଦର୍ଶକ। ତେଣୁ ଦର୍ଶକଙ୍କ ରୁଚିକୁ ଦୃଷ୍ଟିରେ ରଖି ମେକର୍ସ ମଧ୍ୟ ୱେବ ସିରିଜ କରିବାରେ ଲାଗି ପଡିଛନ୍ତି । ଖାଲି ଏତିକି ନୁହେଁ ବଲିଉଡ ଷ୍ଟାର୍ସଙ୍କଠାରୁ ନେଇ ଟଲିଉଡ ଷ୍ଟାର୍ସ ମଧ୍ୟ ଡିଜିଟାଲ ମୁହାଁ ହେଲେଣି । ଯେଉଁଠାରେ ଅନେକ ଷ୍ଟାର୍ସଙ୍କ ୱେବ ସିରିଜ ଦେଖିସାରିଲେଣି ଦର୍ଶକ, ସେହିଠାରେ ଏବେ ପ୍ରସ୍ତୁତ ହୋଇସାରିଛନ୍ତି ଅଭିନେତା ମନୋଜ ବାଜପେୟୀ । ନିଜର ଆଗାମୀ ୱେବ ସିରିଜ ‘ଦ ଫ୍ୟାମିଲି ମ୍ୟାନ’ ନେଇ ଡିଜିଟାଲ ଦୁନିଆରେ ନଜର ଆସିବେ ମନୋଜ ।
- " class="align-text-top noRightClick twitterSection" data="">
ଯାହାର ଦମଦାର ଟ୍ରେଲର ନିକଟରେ ରିଲିଜ ହୋଇଥିଲା । ଆଉ ଏବେ ରିଲିଜ ହୋଇଛି ଏହାର ପ୍ରଥମ ଗୀତ ‘ଦେଗା ଜାନ’ । ଏହି ଗୀତଟିକୁ ଜିଗର ସରାଇୟା ଓ ମେଲୋ ଡି ଲେଖିଛନ୍ତି । ସେହିପରି ଗୀତଟିକୁ ଗାଇଛନ୍ତି ଶ୍ରେୟା ଘୋଷାଲ ଓ ରାପ ତଡକା ଲଗାଇଛନ୍ତି ମେଲୋ ଡି ।
‘ଦେଗା ଜାନ’ ଗୀତରେ ମନୋଜଙ୍କ ଭୂମିକାର କାହାଣୀ ସମ୍ପୂର୍ଣ୍ଣ ରୂପେ ଦେଖିବାକୁ ମିଳୁଛି । ଗୀତଟିକୁ ଏଯାବତ 14 ହଜାରରୁ ଅଧିକ ଭ୍ୟୁ ମିଳି ସାରିଲାଣି । ‘ଦ ଫ୍ୟାମିଲ ମ୍ୟାନ’ରେ ମନୋଜଙ୍କ ବ୍ୟତୀତ ଗୁଲ ପନାଗ ମଧ୍ୟ ନଜର ଆସିବେ । ଶ୍ରୀକାନ୍ତ ତିୱାରୀଙ୍କ ବାସ୍ତବ କାହାଣୀକୁ ନେଇ ଆଧାରିତ ଏହି ୱେବ ସିରିଜ । ଯିଏ ଭାରତୀୟ ଜାସୁସ । 200 ଦେଶରେ ଆସନ୍ତା 20ରେ ରିଲିଜ ହେବ ଏହି ସିରିଜ ।
