ହାଇଦ୍ରାବାଦ: ଖୁବ ଶୀଘ୍ର ନୂଆ ହରର କମେଡି ସିରିଜ ନେଇ ଆସୁଛି ଅଲ୍ଟ ବାଲାଜୀ । ଏହି ୱେବ ସିରିଜରେ ପ୍ରଥମ କରି ଡେବ୍ୟୁ କରିବେ ମଲ୍ଲିକା ଶେରାୱତ ଓ ତୁଷାର କପୁର । ସିରିଜର ନା ରହିଛି ‘ବୁ...ସବକି ଫଟେଗି’ । ନିକଟରେ ଏହାର ଟ୍ରେଲର ମଧ୍ୟ ରିଲିଜ ହୋଇଛି ।
ଭିଡିଓ ସୌଜନ୍ୟ: ୟୁଟ୍ୟୁବ
ସିରିଜରେ କିଛି ସାଙ୍ଗ ମିଶି ଗୋଟେ ନିଛାଟିଆ ବଙ୍ଗଳାରେ ରାତି ବିତାଇବାକୁ ଇଚ୍ଛା କରିବେ । ସେଠାରେ କିଛି ଆଶ୍ଚର୍ଯ୍ୟ ଘଟଣା ଘଟିବ । ଭୁତ ଚରିତ୍ରରେ ନଜର ଆସିବେ ମଲ୍ଲିକା ଶେରାୱତ । ଏହାପରେ ଜଣକ ପରେ ଜଣେ ଭୁତରେ ପରିବର୍ତ୍ତନ ହୋଇଯିବେ । ସିରିଜରେ ହରର ସହ ଭରପୂର କମେଡି ଦେଖିବାକୁ ମିଳିବ । ସିରିଜଟି 27 ଜୁନରେ ରିଲିଜ ହେବ ।
ଫିଲ୍ମରେ ତୁଷାର ଓ ମଲ୍ଲିକାଙ୍କ ସହ କିକୁ ସାରଦା, ସଞ୍ଜୟ ମିଶ୍ର, କୃଷ୍ଣା ଅଭିଷେକ ନଜର ଆସିବେ । ଫିଲ୍ମର ନିର୍ଦ୍ଦେଶନା ଭାର ସମ୍ଭାଳିଛନ୍ତି ‘ହାଉସଫୁଲ’ ଓ ‘ଗୋଲମାଲ’ରେ କାହାଣୀ ଲେଖିଥିବା ଫରାଦ ସାମଜୀ । ଏହାର ପ୍ରଯୋଜନା ଦେବେ ପାରିତୋଷ ପେଣ୍ଟର ।
