ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ମାମଲାରେ ଧିରେ ଧିରେ କରି ଅନେକ ଜିନିଷ ସାମ୍ନାକୁ ଆସିବାରେ ଲାଗିଛି । ସିବିଆଇ ଯାଞ୍ଚ କରୁଥିବା ବେଳେ ଏନସିବି(ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ) ମଧ୍ୟ କଡାକଡି ଯାଞ୍ଚ କରୁଛି । ଶୁଣିବାକୁ ମିଳୁଛି ଯେ ଶୁକ୍ରବାର ସକାଳେ 6.30ରେ ଏନସିବିର ଏକ ପାଞ୍ଚ ଜଣିଆ ଟିମ୍ ସୁଶାନ୍ତଙ୍କ କଥିତ ଗାର୍ଲଫ୍ରେଣ୍ଡ ତଥା ଅଭିନେତ୍ରୀ ରିଆ ଚକ୍ରବର୍ତ୍ତୀଙ୍କ ବାସଭବନ ସମେତ ତାଙ୍କ ବନ୍ଧୁ ସାମୁଏଲ ମିରାଣ୍ଡାଙ୍କ ଘରେ ଚଢାଉ କରିଥିଲେ ।
ଏହାସହ ଏନସିବି ଟିମ୍ ସାମୁଅଲ ଓ ରିଆଙ୍କ ଭାଇ ସୌଭିକ ଚକ୍ରବର୍ତ୍ତୀଙ୍କୁ ପଚରାଉଚରା କରିବା ପାଇଁ ରିମାଣ୍ଡରେ ନେଇଛି । ସେପଟେ ଏନସିବିର ଏହି ଯାଞ୍ଚ ପ୍ରକ୍ରିୟାରେ ଖୁସି ପ୍ରକାଶ କରି ସୋସିଆଲ ମିଡିଆରେ ପ୍ରଶଂସା କରିଛନ୍ତି ସୁଶାନ୍ତଙ୍କ ଭଉଣୀ ଶ୍ବେତା ସିଂ କିର୍ତ୍ତି ।
-
Good going NCB... Thank You God. 🙏 #GreatStartNCB
— shweta singh kirti (@shwetasinghkirt) September 4, 2020 " class="align-text-top noRightClick twitterSection" data="
">Good going NCB... Thank You God. 🙏 #GreatStartNCB
— shweta singh kirti (@shwetasinghkirt) September 4, 2020Good going NCB... Thank You God. 🙏 #GreatStartNCB
— shweta singh kirti (@shwetasinghkirt) September 4, 2020
ସେ ଏକ ଟ୍ବିଟ କରିଛନ୍ତି, ‘ଭଲ କାମ କରୁଛ ଏନସିବି । ଧନ୍ୟବାଦ ଭଗବାନ । ଶାନଦାର କାର୍ଯ୍ୟ ଆରମ୍ଭ କରିଛ ଏନସିବି ।’ ପ୍ରକାଶ ଥାଉକି ସୁଶାନ୍ତଙ୍କ ମୃତ୍ୟୁ ପରଠୁ ଶ୍ବେତା ସୋସିଆଲ ମିଡିଆରେ ତାଙ୍କ ପାଇଁ ନ୍ୟାୟ ଦାବି କରିଆସୁଛନ୍ତି । ଏହାସହ ସେ ଏକ ଅଭିଯାନ ମଧ୍ୟ ସୋସିଆଲ ମିଡିଆରେ ଆରମ୍ଭ କରିଛନ୍ତି । ଯାହାଦ୍ବାରା ପ୍ରତି ଶନିବାର ସୋସିଆଲ ମିଡିଆରେ ସୁଶାନ୍ତଙ୍କ ପାଇଁ ଗ୍ଲୋବାଲ ପ୍ରେୟାର ମିଟର ଆୟୋଜନ କରାଯାଉଛି । ଆଉ ଏଥିରେ ଲକ୍ଷ ଲକ୍ଷ ପ୍ରଶଂସକ ସାମିଲ ହୋଇ ସୁଶାନ୍ତଙ୍କ ପାଇଁ ପ୍ରାର୍ଥନା କରିବା ସହ ନ୍ୟାୟ ଦାବି କରୁଥିବାର ନଜର ଆସୁଛନ୍ତି ।
