ମୁମ୍ବାଇ: ଟେଲି ଜଗତର ଅଭିନେତା କୁଶାଲ ପଞ୍ଜାବୀଙ୍କ 37 ବର୍ଷ ବୟସରେ ମୃତ୍ୟୁ ଘଟିଛି । ଗୁରୁବାର ରାତିରେ ସେ ନିଜ ଘରେ ରଶି ଲଗାଇ ଆତ୍ମହତ୍ୟା କରିଥିଲେ । ଝୁଲନ୍ତା ଅବସ୍ଥାରେ ତାଙ୍କ ମୃତଦେହ ଉଦ୍ଧାର ହୋଇଥିଲା । ଏବେ ବାନ୍ଦ୍ରା ପୋଲିସକୁ କୁଶାଲଙ୍କ ଘରୁ ଏକ ସୁଇସାଇଡ ନୋଟ ମିଳିଛି । ଯେଉଁଥିରେ ଲେଖାଯାଇଛି ତାଙ୍କ ଆତ୍ମହତ୍ୟା ପାଇଁ କେହି ଦାୟୀ ନୁହଁନ୍ତି । ପୋଲିସ ଏହି ମାମଲାର ତଦନ୍ତ ଆରମ୍ଭ କରିଦେଇଛି । କୁଶାଲଙ୍କ ମୃତ୍ୟୁ ଖବରରେ ପୂରା ଇଣ୍ଡଷ୍ଟ୍ରୀରେ ଶୋକର ଛାୟା ଖେଳିଯାଇଛି । ଶୁକ୍ରବାର ଦ୍ବିପହର 1 ଘଟିକା ସମୟରେ କୁଶାଲଙ୍କ ଅନ୍ତିମ ସଂସ୍କାର କରାଯାଇଛି ।
- " class="align-text-top noRightClick twitterSection" data="
">
ଏବେ ଆକ୍ଟରଙ୍କ ଶେଷ ଇନଷ୍ଟାଗ୍ରାମ ପୋଷ୍ଟ ସାମ୍ନାକୁ ଆସିଛି । ଯାହାକୁ କୁଶାଲ ଆତ୍ମହତ୍ୟାର ଦିନ ପୂର୍ବରୁ ସେୟାର କରିଥିଲେ । ଫଟୋରେ ସେ ନିଜ ପୁଅ ସହ ହସୁଥିବାର ନଜର ଆସୁଛନ୍ତି । ବର୍ତ୍ତମାନ କୁଶାଲଙ୍କ ଏହି ଶେଷ ପୋଷ୍ଟକୁ ଫ୍ୟାନ୍ସ କମେଣ୍ଟ କରି ତାଙ୍କ ଆତ୍ମର ସଦଗତି ପାଇଁ ପ୍ରାର୍ଥନା କରିଛନ୍ତି ।
ପ୍ରକାଶ ଥାଉକି ଶୁକ୍ରବାର ସକାଳେ ଅଭିନେତା କରଣବୀର ବୋରା ସୋସିଆଲ ମିଡିଆରେ କୁଶାଲଙ୍କ ଏକ ଫଟୋ ସେୟାର କରି ତାଙ୍କ ମୃତ୍ୟୁ ସୂଚନା ଫ୍ୟାନ୍ସଙ୍କୁ ଦେଇଥିଲେ । ତାଙ୍କ ଏହି ପୋଷ୍ଟ ପରେ ରବି ଦୁବେ, ଶ୍ବେତା ତିୱାରୀ, କରଣ ପଟେଲ ଓ ହିତେନ ତେଜୱାନୀ ଭଳି କଳାକାର ତାଙ୍କ ମୃତ୍ୟୁରେ ଦୁଃଖ ପ୍ରକାଶ କରିଛନ୍ତି ।
କୁଶାଲ ଟିଭି ଧାରାବାହିକ ବ୍ୟତୀତ ଅନେକ ଫିଲ୍ମରେ ମଧ୍ୟ କାମ କରିଥିଲେ । ସେ ଅଜୟ ଦେବଗନ, ସଲମାନ ଖାନ, ହ୍ରିତିକ ରୋଶନ ଓ ଜନ ଅବ୍ରାହମଙ୍କ ଭଳି ବଡ ଆକ୍ଟରଙ୍କ ସହ ଫିଲ୍ମରେ ଅଭିନୟ କରିଥିଲେ । ସେହିପରି ସେ ‘ସିଆଇଡି’, ‘କଭି ହାଁ କଭି ନା’, ‘କସମ ସେ’, ‘ରାଜା କି ଆଏଗି ବାରାତ’, ‘ରାସ୍ତା ଡଟ କମ’ ଭଳି ଟିଭି ଧାରାବାହିକରେ ଶାନଦାର ଅଭିନୟ କରି ଦର୍ଶକଙ୍କ ମନ କିଣିଥିଲେ ।
