ହାଇଦ୍ରାବାଦ: କନ୍ନଡ ଅଭିନେତା ୟଶଙ୍କ ଜବରଦସ୍ତ ହିଟ ଫିଲ୍ମ କେଜିଏଫ ଚ୍ୟାପ୍ଟର-1 ବକ୍ସ ଅଫିସରେ ଖୁବ ଧୁମ ମଚେଇଥିଲା । ତେବେ ଏହାର ସଫଳତା ପରେ ଫିଲ୍ମର ନିର୍ମାତା ଏବେ କେଜିଏଫ ଚାପ୍ଟର-2ର ଜୋରସୋର ସୁଟିଂ ଆରମ୍ଭ କରିସାରିଲେଣି । ତେବେ ଏ ଭିତରେ ୟଶଙ୍କ ନୂଆ ଲୁକ ସାମ୍ନାକୁ ଆସିଛି । ଅଧିକ ଲମ୍ବା ଚୁଟି ସହ ଲମ୍ବା ଦାଢିରେ ନଜର ଆସିଛନ୍ତି ଅଭିନେତା ୟଶ ।
ତେବେ ସୂଚନାନୁଯାୟୀ, ଫିଲ୍ମର ନିର୍ମାତା ସଞ୍ଜୟ ଦତ୍ତଙ୍କୁ ଫିଲ୍ମ ସହ ଯୋଡିବାକୁ ଚାହୁଁଛନ୍ତି । ସଞ୍ଜୟ ଦତ୍ତ ଏଥିରେ ନେଗେଟିଭ ଚରିତ୍ରରେ ନଜର ଆସିବେ । ତେବେ ଏନେଇ କୌଣସି ଖୁଲାସା କରାଯାଇନାହିଁ । କେଜିଏଫ ଚାପ୍ଟର-1 ପାଇଁ ସଞ୍ଜୟ ଦତ୍ତଙ୍କୁ ଅଫର ଦିଆଯାଇଥିଲା ମାତ୍ର ସମୟର ଅଭାବ ଯୋଗୁଁ ମନା କରି ଦେଇଥିଲେ ସଞ୍ଜୟ ।
21 ଡିସେମ୍ବର 2018ରେ ରିଲିଜ ହୋଇଥିଲା ଫିଲ୍ମ କେଜିଏଫ ଚାପ୍ଟର-2 । ଏହାକୁ କନ୍ନଡ, ହିନ୍ଦି, ତାମିଲ, ତେଲୁଗୁ, ମଲୟଲମ ଭାଷାରେ ରିଲିଜ କରଯାଇଥିଲା । ଏଥିରେ ୟଶଙ୍କ ବ୍ୟତୀତ ଶ୍ରୀନିଧି ସେଟ୍ଟୀ ଓ ରାମଚନ୍ଦ୍ର ରାଜୁ ମୁଖ୍ୟ ଚରିତ୍ରରେ ନଜର ଆସିଥିଲେ ।
