ମୁମ୍ବାଇ: ବି-ଟାଉନର ସେକ୍ସୀ ଅଭିନେତ୍ରୀ କ୍ୟାଟ୍ରିନା କୈଫ ନିଜ ସେକ୍ସୀ ଅନ୍ଦାଜରେ ଦର୍ଶକଙ୍କ ହୃଦୟରେ ରାଜ କରୁଛନ୍ତି । ସେ ସଲମାନ ଖାନଙ୍କ ବହୁ ଚର୍ଚ୍ଚିତ ଫିଲ୍ମ 'ଭାରତ'ରେ ନଜର ଆସିବେ । ଯାହାର ପ୍ରମୋଶନରେ ବ୍ୟସ୍ତ ଅଛନ୍ତି କ୍ୟାଟ । ଫିଲ୍ମଟି ଜୁନ 5ରେ ରିଲିଜ ହେବାକୁ ଯାଉଛି । ସେମିତି ଦେଖିବାକୁ ଗଲେ କ୍ୟାଟ୍ରିନା ବଲିଉଡର ସୁପରଷ୍ଟାର ଅର୍ଥାତ୍ ସଲମାନ, ଶାହରୁଖ ଖାନ, ଆମୀର ଖାନ ଓ ହ୍ରିତିକ ରୋଶନଙ୍କ ସହ କାମ କରିସାରିଛନ୍ତି । କିନ୍ତୁ ଏବେ ମଧ୍ୟ ଏମିତି ଅଭିନେତା ଅଛନ୍ତି ଯାହାଙ୍କ ସହ ଫିଲ୍ମ କରିବାକୁ ଚାହୁଁଛନ୍ତି କ୍ୟାଟ ।
ଏହି କଥାର ଖୁଲାସା ସେ ଅଭିନେତ୍ରୀ ନେହା ଧୂପିୟାଙ୍କ ଚାର୍ଟ ଶୋରେ କରିଥିଲେ । ଏହି ଶୋରେ ସେ ନିଜ ବ୍ୟକ୍ତିଗତ ଜୀବନ ଏବଂ କ୍ୟାରିୟରକୁ ନେଇ ଅନେକ କଥା ଆଲୋଚନା କରିଥିଲେ । ସେ କହିଥିଲେ କି ଏମିତି ଦୁଇ ଅଭିନେତା ଅଛନ୍ତି, ଯାହାଙ୍କ ସହ ସେ ଭବିଷ୍ୟତରେ କାମ କରିବାକୁ ଚାହୁଁଛନ୍ତି ।
ସେ ରଣଭୀର ସିଂହଙ୍କ ସହ କମେଡି ଫିଲ୍ମ ଏବଂ ଟାଇଗର ଶ୍ରଫଙ୍କ ସହ ଆକ୍ସନ ଫିଲ୍ମରେ କାମ କରିବାକୁ ପସନ୍ଦ କରିବେ । ଟାଇଗର ଓ ରଣଭୀରଙ୍କୁ ସେ ଖୁବ୍ ପସନ୍ଦ କରନ୍ତି ବୋଲି ମଧ୍ୟ କହିଥିଲେ ।
