ହାଇଦ୍ରାବାଦ: ରଙ୍ଗିନ ହୋଇଯାଇଛି ପୂରା ପରିବେଶ, ରଙ୍ଗିନ ହୋଇଯାଇଛି ମନ । କାହିଁକି ନା ଦେହରେ ଲାଗିସାରିଛି ଅବିର । ସାରା ଦେଶରେ ହୋଲିର ମାହୋଲ ପୁରା ନିଆରା ରହିଛି । ଏସବୁ ଭିତରେ ବଲିଉଡ ତାରକାମାନେ କେମିତି ବାଦ ପଡିବେ ? ଅନେକ ବଲିଉଡ ତାରକା ନିଜ ପ୍ରଶଂସକଙ୍କୁ ହୋଲିରେ ଅଭିନନ୍ଦନ ଜଣାଇ ସାରିଥିବାବେଳେ ଅନେକ ଅଭିନନ୍ଦନ ଜଣାଇବାରେ ବ୍ୟସ୍ତ ଅଛନ୍ତି। ପୂର୍ବରୁ କରୀନା କପୁର ଖାନ ଏବଂ ପ୍ରିୟଙ୍କା ଚୋପ୍ରା ପ୍ରଶଂସକଙ୍କୁ ହୋଲିର ଶୁଭେଚ୍ଛା ଜଣାଇସାରିଥିବାବେଳେ, ବଲିଉଡର ସୁନ୍ଦରୀ ଅଭିନେତ୍ରୀ କ୍ୟାଟ୍ରିନା କୈଫ ହୋଲିରେ ପ୍ରଶଂସକଙ୍କୁ ଶୁଭେଚ୍ଛା ଜଣାଇଛନ୍ତି । କ୍ୟାଟ୍ରିନା ବର୍ତ୍ତମାନ ସ୍ୱାମୀ ଭିକି କୌଶଲ ସମେତ ଦିଅର ସନ୍ନି କୌଶଲ ଏବଂ ଶାଶୁ-ଶ୍ବଶୁରଙ୍କ ସହ ହୋଲି ଖେଳୁଛନ୍ତି ।
- " class="align-text-top noRightClick twitterSection" data="
">
କ୍ୟାଟ୍ରିନା କୈଫଙ୍କ ବିବାହ ପରେ ଏହା ହେଉଛି ପ୍ରଥମ ହୋଲି, ଯାହାକୁ ସେ ତାଙ୍କ ଶାଶୁ ଘରେ ଉପଭୋଗ କରୁଛନ୍ତି । ପ୍ରଶଂସକମାନଙ୍କୁ ହୋଲିର ଶୁଭେଚ୍ଛା ଜଣାଇବାବେଳେ କ୍ୟାଟ୍ରିନା କୈଫ ହୋଲି ଉତ୍ସବର ଫଟୋ ସେୟାର କରିଛନ୍ତି । କ୍ୟାଟ୍ରିନା କୈଫ ଗତକାଲି ରାତିରେ ସ୍ୱାମୀ ଭିକି କୌଲଙ୍କ ସହ ଧର୍ମା ପ୍ରଡକ୍ସନ୍ସର ସିଇଓ ଅପୂର୍ବା ମେହେଟ୍ଟାଙ୍କ ଜନ୍ମଦିନ ପାର୍ଟିରେ ପହଞ୍ଚିଥିଲେ। ଏହି ସମୟରେ ସମସ୍ତ ଦୃଷ୍ଟି କପଲଙ୍କ ଲୁକ୍ ଏବଂ କେମେଷ୍ଟ୍ରି ଉପରେ ଥିଲା ।
ଏହା ବି ପଢନ୍ତୁ: ସ୍ବାମୀଙ୍କ ସହ ହୋଲି ଖେଳିଲେ ମୋନି ରୟ, ପାଦରେ ରଙ୍ଗ ଲଗାଇ ନେଲେ ଆଶୀର୍ବାଦ
ଏଥର ହୋଲି କ୍ୟାଟ୍ରିନାଙ୍କ ପଇଁ ଖାସ୍ ହୋଇଛି, କାରଣ ଶାଶୁ-ଶ୍ବଶୁରଙ୍କ ସହ ହୋଲି ଖେଳିଛନ୍ତି ବଲିଉଡ ବିୟୁଟି । ସେଲିବ୍ରେସନ ମୁଡ୍ରେ ଥିବା କ୍ୟାଟ୍ରିନା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଶାଶୁ ଘରେ ହୋଲି ଉତ୍ସବର ଫଟୋ ସେୟାର କରିଛନ୍ତି । ଏହି ଫଟୋରେ, କ୍ୟାଟ୍ରିନା କୈଫଙ୍କ ସମେତ ସମସ୍ତେ ଧଳା ପୋଷାକରେ ଅଛନ୍ତି ଏବଂ ସମସ୍ତଙ୍କ ମୁହଁ ଲାଲ ରଙ୍ଗର ଗୁଲାଲରେ ସୁନ୍ଦର ଦିଶୁଛି । କ୍ୟାଟ୍ରିନା ତାଙ୍କ ଶାଶୁ ବୀଣା କୌଶଲଙ୍କ ପାଖରେ ଛିଡା ହୋଇଛନ୍ତି । ଏକ ଫଟୋରେ, ବୀଣା ତାଙ୍କ ବୋହୂ କ୍ୟାଟ୍ରିନାଙ୍କ ଗାଲରେ ହାତ ରଖି ପ୍ରେମ ବ୍ୟକ୍ତ କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
