ହାଇଦ୍ରାବାଦ: ବଲିଉଡରେ ଏବେ ଚର୍ଚ୍ଚାର ଯୋଡି କାର୍ତ୍ତିକ ଆର୍ଯ୍ୟାନ ଓ ସାରା ଆଲ୍ଲୀ ଖାନ । କ୍ୟାମେରା ସାମ୍ନାକୁ ଦୁହେଁ ବହୁତ କମ ଆସୁଥିବା ବେଳେ ଇଦରେ ଦୁହିଁଙ୍କୁ ଏକାଠି ଦେଖିବାକୁ ମିଳିଛି । ସୋସିଆଲ ମିଡିଆରେ ଦୁହିଁଙ୍କ ନକାବ ପିନ୍ଧା ଫଟୋ ଭାଇରାଲ ହୋଇଛି ।
ଫଟୋଟିକୁ ସେୟାର କରିଛନ୍ତି ନିଜେ କାର୍ତ୍ତିକ ଆରୟନ । ମସଜିଦ ବାହାରେ ସେଲଫି ନେଇଛନ୍ତି କାର୍ତ୍ତିକ । କାର୍ତ୍ତିକ ମୁହଁରେ ରୁମାଲ ବାନ୍ଧି ଥିବା ବେଳେ ସାରା ଦୁପଟା ମୁହଁରେ ବାନ୍ଧିଛନ୍ତି ।
ତେବେ ସାରା ଓ କାର୍ତ୍ତିକଙ୍କ ରିଅଲ ଲାଇଫ କେମେଷ୍ଟ୍ରି ଏବେ ଫିଲ୍ମରେ ଦେଖିବାକୁ ମିଳିବ । ଦୁହିଁଙ୍କୁ ଫିଲ୍ମ ‘ଲଭ ଆଜ କଲ-2’ରେ ନଜର ଆସିବେ । ସାରା ‘କଫି ୱିଥ କରଣ ’ଶୋକୁ ଆସି କାର୍ତ୍ତିକ ତାଙ୍କ କ୍ରଶ ବୋଲି କହିଥିଲେ । ଏହାପରେ ଉଭୟଙ୍କ ଫ୍ୟାନ୍ସ ଦୁହିଁଙ୍କୁ ଏକାଠି ଦେଖିବାକୁ ଚାହୁଁଥିଲେ । ତେବେ ଫିଲ୍ମର ସୁଟିଂ ଦିଲ୍ଲୀ ଓ ଉଦୟପୁରରେ କରାଯାଇଛି ।
