ମୁମ୍ବାଇ: ଫେମସ ନିର୍ମାତା ଇମତିଆଜ ଅଲ୍ଲୀଙ୍କ ବହୁ ଚର୍ଚ୍ଚିତ ଫିଲ୍ମ ‘ଲଭ ଆଜକଲ’ ଦୀର୍ଘ ସମୟରୁ ଚର୍ଚ୍ଚାରେ ଅଛି । ଗୁରୁବାର ଫିଲ୍ମର ରୋମାଣ୍ଟିକ ପୋଷ୍ଟର ଜାରି କରାଯାଇଥିଲା । ଆଉ ଆଜି ରିଲିଜ ହୋଇଯାଛି ଫିଲ୍ମର ଶାନଦାର ଟ୍ରେଲର । କ୍ୟୁଟ ଆକ୍ଟର କାର୍ତ୍ତିକ ଆର୍ୟନ ଓ ସାରା ଅଲ୍ଲୀ ଖାନଙ୍କଙ୍କ ରୋମାଣ୍ଟିକ କେମେଷ୍ଟ୍ରି ଭାଲେଣ୍ଟାଇନ ଡେରେ ସିନେମାଘରେ ଦେଖିବାକୁ ପାଇବେ ଦର୍ଶକ । ରିଲିଜ ହେବା ମାତ୍ରେ ଫିଲ୍ମର ଟ୍ରେଲର ସୋସିଆଲ ମିଡିଆରେ ଛାଇଯାଇଛି । ଦର୍ଶକଙ୍କ ମନ କିଣିବାରେ ସଫଳ ହୋଇଛି ଟ୍ରେଲର ।
‘ଲଭ ଆଜକଲ’ରେ ସାରା ଓ କାର୍ତ୍ତିକଙ୍କ ବ୍ୟତୀତ ରଣଦୀପ ହୁଡ୍ଡା ଓ ଆରଷି ଶର୍ମା ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । 2009ରେ ଆସିଥିବା ସୈଫ ଅଲ୍ଲୀ ଖାନ ଓ ଦୀପିକା ପାଦୁକୋନଙ୍କ ଅଭିନୀତ ଫିଲ୍ମ ‘ଲଭ ଆଜକଲ’ର ଏହା ସିକ୍ବେଲ ଫିଲ୍ମ । ଯାହାର ନିର୍ଦ୍ଦେଶନା ଦାୟିତ୍ବ ତୁଲାଇଥିଲେ ଇମତିଆଜ । ଏହି ରୋମାଣ୍ଟିକ କମେଡି ଡ୍ରାମା ଫିଲ୍ମ ଦର୍ଶକଙ୍କ ମନ କିଣିବା ସହ ସୁପରହିଟ୍ ହୋଇଥିଲା । ସବୁଠାରୁ ମଜାଦାର କଥା ହେଲା କି ଇମତିଆଜ ସିକ୍ବେଲ ଫିଲ୍ମର ଟାଇଟଲ ମଧ୍ୟ ‘ଲଭ ଆଜକଲ’ ରଖିଛନ୍ତି । ଏଥିରେ ସେ କୌଣସି ପରିବର୍ତ୍ତନ କରିନାହାଁନ୍ତି ।
ଫିଲ୍ମ ଟ୍ରେଲର ଆରମ୍ଭରୁ ସାରା ଓ କାର୍ତ୍ତିକଙ୍କ ନୋକ-ଝୋକରୁ ଆରମ୍ଭ ହେଉଛି । ଫିଲ୍ମରେ ଦୁଇ ଯୁଗର ପ୍ରେମ କାହାଣୀ ଦେଖିବାକୁ ମିଳିବ । ଯାହାର ଝଲକ ଟ୍ରେଲରରେ ମଧ୍ୟ ଦେଖିବାକୁ ମିଳୁଛି । ଗୋଟିଏ ପଟେ 2020ର ଷ୍ଟୋରି ଦେଖିବାକୁ ମିଳୁଥିବା ଆଉ ଗୋଟିଏ ପଟେ 1990ର ପ୍ରେମକାହାଣୀ ରହିଅଛି । ଆରଷି ଓ ସାରା କାର୍ତ୍ତିକଙ୍କ ଲଭ ଲେଡି ସାଜିଛନ୍ତି । ଫିଲ୍ମରେ ରୋମାନ୍ସର ତଡକା ଫନ ଅନ୍ଦାଜରେ ଲଗାଯାଇଛି । ଆପଣ ମଧ୍ୟ ଦେଖନ୍ତୁ ଏହି ରୋମାଣ୍ଟିକ ଟ୍ରେଲର...
- " class="align-text-top noRightClick twitterSection" data="">
