ନୂଆଦିଲ୍ଲୀ: ଏମାସ 23 ତାରିଖରେ ରିଲିଜ ହେବ କୁଇନ କଙ୍ଗନା ରଣାୱତଙ୍କ ବହୁ ଚର୍ଚ୍ଚିତ ଫିଲ୍ମ ‘ଥଲାଇଭି’ । ଯାହାର ଦମଦାର ଟ୍ରେଲର ଅଭିନେତ୍ରୀଙ୍କ ଜନ୍ମଦିନରେ ରିଲିଜ ହୋଇଥିଲା । ଇତି ମଧ୍ୟରେ ଏବେ ଚଳଚ୍ଚିତ୍ର 'ଥଲାଇଭି'ର ଗୀତ 'ଚଲି ଚଲି' ମୁକ୍ତିଲାଭ କରିଛି, ଯାହାକୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଥିଲେ।
- " class="align-text-top noRightClick twitterSection" data="">
1 ମିନିଟ୍ 58 ସେକେଣ୍ଡର ଏହି ଗୀତରେ କଙ୍ଗନା କ୍ୟାମେରା ଆଗରେ ପ୍ରତି ସେକେଣ୍ଡରେ ବହୁତ ସୁନ୍ଦର ଏବଂ ଚୁଲବୁଲ ଅନ୍ଦାଜରେ ନଜର ଆସିଛନ୍ତି । ଏହି ଗୀତ ମାଧ୍ୟମରେ କଙ୍ଗନା ତାଙ୍କ ଅଭିନୟ ସହିତ ଦର୍ଶକଙ୍କ ମନରେ ସ୍ବର୍ଗତ ଜୟଲଳିତାଙ୍କୁ ମନେ ପକାଇବାରେ ସଫଳ ହୋଇଥିବା ଦେଖିବାକୁ ମିଳିଛି ।
ନିକଟରେ, କଙ୍ଗନା ଏହି ଗୀତର ଟିଜର ସେୟାର କରିଥିଲେ, ଯାହା ପରେ ପ୍ରଶଂସକଙ୍କ ମଧ୍ୟରେ ବହୁତ କୌତୁହଳ ଦେଖିବାକୁ ମିଳିଥିଲା । ବର୍ତ୍ତମାନ ଏହି ଗୀତ ରିଲିଜ୍ ହୋଇଛି ଏବଂ ଦର୍ଶକମାନେ ଏହାକୁ ବହୁତ ପସନ୍ଦ କରିବା ସହିତ କହିଛନ୍ତି ଯେ କଙ୍ଗନା ପଞ୍ଚମ ନ୍ୟାସନାଲ ଆଓ୍ବାର୍ଡ ମଧ୍ୟ ତାଙ୍କ ନାଁରେ କରିଦେବେ ।
ପ୍ରକାଶ ଥାଉ ଯେ, 'ଥଲାଇବି' ଫିଲ୍ମର ନିର୍ଦ୍ଦେଶକ ହେଉଛନ୍ତି ଏ.ଏଲ୍ ବିଜୟ। ଏହାର ନିର୍ମାତାମାନେ ହେଉଛନ୍ତି ବିଷ୍ଣୁ ବର୍ଦ୍ଧନ ଇନ୍ଦୁରୀ ଏବଂ ଶୌଲେଶ ଆର ସିଂ।
