ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ଏକ ମାସରୁ ଅଧିକ ଦିନ ବିତିଗଲାଣି । ହେଲେ ଏଯାବତ ମୁମ୍ବାଇ ପୋଲିସ ତଦନ୍ତ ଚଳାଇଛି । ସେପଟେ ସୁଶାନ୍ତଙ୍କ ପିତା କେକେ ସିଂ ପାଟନାର ରାଜୀବନଗର ଥାନାରେ ରିଆ ଚକ୍ରବର୍ତ୍ତୀଙ୍କ ନାମରେ ଏଫଆଇଆର ଦାଖଲ କରିଛନ୍ତି । ସେହିପରି ତାଙ୍କ ମୃତ୍ୟୁ ପରଠୁ ବି-ଟାଉନର କୁଇନ କଙ୍ଗନା ରଣାୱତ ଲଗାତାର ବଲିଉଡ ଓ କିଛି ସେଲିବ୍ରିଟିଙ୍କ ଉପରେ ପରିବାରବାଦ, ଗୋଷ୍ଠୀବାଦ ଓ ମାଫିଆଗିରି ଭଳି ଅଭିଯୋଗ ଲଗାଇଆସୁଛନ୍ତି । ଆଉ ଏବେ କେକେ ସିଂଙ୍କ ଏହି ପଦକ୍ଷେପ ପରେ କଙ୍ଗନା ଟ୍ବିଟ ପରେ ଟ୍ବିଟ କରିବାରେ ଲାଗିଛନ୍ତି । ଟ୍ବିଟରେ ସେ ପୁଣି ମାଫିଆଗିରି କଥା ଉଠାଇଛନ୍ତି ।
ସେ ଟ୍ବିଟରେ ଲେଖିଛନ୍ତି, 2019ରେ ସୁଶାନ୍ତ ଗୋଟିଏ ବି ଫିଲ୍ମର ସୁଟିଂ କରିନଥିଲେ । ତାଙ୍କୁ ଫିଲ୍ମ ମାଫିଆ ବୟକଟ କରିଦେଇଥିଲେ । ତାଙ୍କ ପିତାଙ୍କ ଅନୁଯାୟୀ ସୁଶାନ୍ତ ଫିଲ୍ମ ଦୁନିଆ ଛାଡି ଅର୍ଗାନିକ ଚାଷ କରିବାକୁ ଚାହୁଁଥିଲେ । ପରିଶେଷରେ କାହିଁକି ଏତେ ପାୱରହାଉସ ଟ୍ୟାଲେଣ୍ଟେଡ ପୁଅକୁ ନିଜ ଶାନଦାର କ୍ୟାରିୟର ଛାଡିବାକୁ ପଡୁଥିଲା । ଆଉ ଫିଲ୍ମ ଛାଡି ଚାଷ କରିବାକୁ ଭାବୁଥିଲେ । କାହିଁକି ?
ପ୍ରକାଶ ଥାଉକି ଏହା ପୂର୍ବରୁ କଙ୍ଗନା ଏକ ଟ୍ବିଟ କରି ରିଆଙ୍କୁ ଟାର୍ଗେଟ କରିଥିଲେ । ସେ ଟ୍ବିଟରେ ଲେଖିଥିଲେ, ‘ରିଆ ଗତ 6 ମାସରୁ ସୁଶାନ୍ତଙ୍କ ସାଥିରେ ଥିଲେ । ସେ ସୁଶାନ୍ତଙ୍କ ରହସ୍ୟମୟୀ ମୃତ୍ୟୁର ଦୁଇଦିନ ପୂର୍ବରୁ ମହେଶ ଭଟ୍ଟଙ୍କୁ ତାଙ୍କ ମନୋଚିକିତ୍ସକ ରୂପେ ହାୟର କରିଥିଲେ । ଖୁସି ଲାଗୁଛି ଯେ ଏବେ ଏହି ପୁରା ମାମଲାର ଯାଞ୍ଚ କରାଯିବ ।
