ନୂଆଦିଲ୍ଲୀ: ଦେଶରେ କୋରୋନାର ଦ୍ବିତୀୟ ଲହରରେ ସଂକ୍ରମିତ ହେବାରେ ଲାଗିଛନ୍ତି ଅନେକ ସେଲିବ୍ରିଟି । ଏବେ ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀ କୁନ୍ଦ୍ରାଙ୍କ ପୁରା ପରିବାର କୋରୋନା ପଜିଟିଭ ବୋଲି ଜଣାପଡିଛି ।
କିଛି ସମୟ ପୂର୍ବରୁ ଶିଳ୍ପା ଇନଷ୍ଟାଗ୍ରାମରେ ଏକ ପୋଷ୍ଟ ମାଧ୍ୟମରେ ଏହି ବିଷୟରେ ସୂଚନା ଦେଇଛନ୍ତି । ଶିଳ୍ପା ଲେଖିଛନ୍ତି ଯେ, 'ଗତ 10 ଦିନ ଧରି ଆମ ପରିବାର ପାଇଁ ବହୁତ କଷ୍ଟସାଧ୍ୟ ସମୟ ଥିଲା । ପ୍ରଥମେ ମୋ ଶାଶୁ ଶଶ୍ବରଙ୍କୁ କୋରୋନା ହୋଇଥିଲା, ଏହାପରେ ଏହା ମୋ କୁନି ଝିଅ ସମିଶା, ପୁଅ ବିବାନ୍, ମୋ ମା' ଏବଂ ଶେଷରେ ମୋ ସହିତ ସ୍ବାମୀ ରାଜଙ୍କ ମଧ୍ୟ କୋରୋନା ରିପୋର୍ଟ ପଜିଟିଭ ଆସିଥିଲା । ସମସ୍ତେ ନିଜ ନିଜ କୋଠରୀରେ ଆଇସୋଲେଟରେ ଅଛନ୍ତି ଏବଂ ସମସ୍ତ ଗାଇଡଲାଇନ ଅନୁସରଣ କରୁଛନ୍ତି ।
- " class="align-text-top noRightClick twitterSection" data="
">
- " class="align-text-top noRightClick twitterSection" data="
">
ଏଥିସହିତ ଶିଳ୍ପା ଆହୁରି ମଧ୍ୟ କହିଛନ୍ତି ଯେ, 'ଆମର 2ଜଣ କର୍ମଚାରୀଙ୍କ ମଧ୍ୟ କୋରୋନା ପଜିଟିଭ ଆସିଛନ୍ତି। ସେମାନେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ସମସ୍ତେ ଠିକ୍ ହେବାକୁ ଯାଉଥିବାରୁ ଭଗବାନଙ୍କୁ ଧନ୍ୟବାଦ । କିନ୍ତୁ, ଏବେ ମୋର ରିପୋର୍ଟ ନେଗେଟିଭ ଆସିଛି ।
ପ୍ରକାଶ ଥାଉ ଯେ, ଏହି ପୋଷ୍ଟ ମାଧ୍ୟମରେ ଶିଳ୍ପା ଶେଷରେ ଲୋକଙ୍କୁ ନିବେଦନ କରିଛନ୍ତି ଯେ ମାସ୍କ ପିନ୍ଧନ୍ତୁ, ଘରୁ ବାହାରକୁ ନ ଯାଆନ୍ତୁ ଏବଂ ନିଜର ଯତ୍ନ ନିଅନ୍ତୁ ।
