ମୁମ୍ବାଇ: କୋରୋନାର ଦ୍ବିତୀୟ ଲହର ଦେଶରେ ଭୟଭୀତ ସମସ୍ତେ। ଏହି ସମୟ ସମସ୍ତଙ୍କ ପାଇଁ ସମସ୍ୟାରେ ପରିପୂର୍ଣ୍ଣ । ଏଭଳି ଘଡିସନ୍ଧି ପରିସ୍ଥିତିରେ ସେଲିବ୍ରିଟି ମିଶି ଆଇ ‘ବ୍ରେଥ୍ ଫର୍ ଇଣ୍ଡିଆ’ ଅଭିଯାନ ଆରମ୍ଭ କରିବେ । ଯାହାର ହୋଷ୍ଟ କରିବେ ଅଭିନେତ୍ରୀ ଲାରା ଦତ୍ତ ଓ ଶ୍ୟାମଲ ବଲ୍ଲଭଜି । ଏହି ଭର୍ଚୁଆଲ ପାଣ୍ଠି ସଂଗ୍ରହକାରୀଙ୍କୁ ବଲିଉଡର ମହାନାୟକ ଅମିତାଭ ବଚ୍ଚନ, ଅନିଲ କପୁର, ଶିଖର ଧୱନ, କରନ ଜୋହର ଓ ଋଷଭ ପନ୍ତ ସମେତ ବିଭିନ୍ନ କ୍ଷେତ୍ରର ସେଲିବ୍ରିଟି ସମର୍ଥନ କରୁଛନ୍ତି ।
ଯଦି ଏହି ଅଭିଯାନ ବିଷୟରେ କଥା ହେବା ତାହାଲେ TIE ସଦସ୍ୟ ଏବଂ ଅଂଶୀଦାରମାନଙ୍କ ଦ୍ବାରା ଏହା ଏକ ପଦକ୍ଷେପ । TIE ହେଉଛି ଉଦ୍ୟୋଗୀ, ନିବେଶକ ଏବଂ ଶିଳ୍ପ ଅଧିନାୟକଙ୍କ ସର୍ବବୃହତ ବିଶ୍ବ ନେଟୱାର୍କ, ଯାହା ଆମେରିକା, ୟୁରୋପ ଏବଂ ଏପିଏସିରେ ଭାରତୀୟ ଉତ୍ପାଦନର ସଫଳ ବ୍ୟବସାୟ ମୁଖ୍ୟଙ୍କୁ ପ୍ରତିନିଧିତ୍ବ କରୁଛି ।
ଏହି ଭର୍ଚୁଆଲ ପାଣ୍ଠି ସଂଗ୍ରହ ମାଧ୍ୟମରେ ଭାରତ ପାଇଁ 10 କୋଟି ଟଙ୍କା ସଂଗ୍ରହ କରିବାକୁ ପ୍ରୟାସ କରାଯାଉଛି । ଏହା ଫେସବୁକ୍, ଇନଷ୍ଟାଗ୍ରାମ ଏବଂ ୟୁଟ୍ୟୁବରେ ଏକାସାଙ୍ଗରେ ଷ୍ଟ୍ରିମିଂ ହେବ । ଆସନ୍ତା ରବିବାର ତଥା 9 ତାରିଖରେ ସନ୍ଧ୍ୟା 6ରୁ ନେଇ ରାତି 8 ପର୍ଯ୍ୟନ୍ତ ଏହାର ଷ୍ଟ୍ରିମିଂ ଦେଖିବାକୁ ମିଳିବ ।
