ମୁମ୍ବାଇ: ବର୍ତ୍ତମାନ ବକ୍ସଅଫିସରେ ‘ୱାର’ର ନିଆଁ ଲାଗିଛି । ରିଲିଜ ହେବା ଦିନ ଠାରୁ ଏହି ଫିଲ୍ମର କଲେକ୍ସନ ବଢିଚାଲିଛି । ସୁପରଷ୍ଟାର ହ୍ରିତିକ ରୋଶନ ଓ ଟାଇଗର ଶ୍ରଫଙ୍କ ଜବରଦସ୍ତ ଫାଇଟ ଦେଖିବାକୁ ଦର୍ଶକଙ୍କ ଭିଡ ସିନେମାହଲରେ ଜମୁଛି । ଫିଲ୍ମକୁ ଦର୍ଶକ ଓ କ୍ରିଟିକ୍ସଙ୍କ ଦମଦାର ପ୍ରତିକ୍ରିୟା ମଧ୍ୟ ମିଳିଛି । ଯାହାଦ୍ବାରା ଫିଲ୍ମଟି 200 କୋଟି କ୍ଲବରେ ଏଣ୍ଟ୍ରି ମାରିଛି ।
ଫିଲ୍ମ କ୍ରିଟିକ ଏବଂ ଟ୍ରେଡ ଆନାଲିଷ୍ଟ ତରଣ ଆଦର୍ଶ ମଙ୍ଗଳବାର ଫିଲ୍ମ କଲେକ୍ସନର ସୂଚନା ଫ୍ୟାନ୍ସଙ୍କୁ ଦେଇଛନ୍ତି । ରିଲିଜ ଦିନ ଫିଲ୍ମ ଫିଲ୍ମଟି 51.60 କୋଟି ଆୟ କରିଥିଲା, ସେହିପରି ଗୁରୁବାର ଫିଲ୍ମ 23.10 କୋଟି ଆୟ କରିବାରେ ସଫଳ ହୋଇଥିଲା । ଶୁକ୍ରବାର ଫିଲ୍ମଟି 21.30 କୋଟି ଆୟ କରିଥିବା ବେଳେ ଶନିବାର 27.60 କୋଟି ଆଉ ରବିବାର 36.10 କୋଟି ଆୟ କରିଥିଲା । ହିନ୍ଦୀ, ତାମିଲ, ତେଲୁଗୁ କଲେକ୍ସନ ମିଶାଇ ଫିଲ୍ମଟି ମଙ୍ଗଲବାର 187. 75 କୋଟି ଆୟ କରିଥିଲା । କିନ୍ତୁ ବୁଧବାର 200 କୋଟି ଆୟ କରି ଫିଲ୍ମଟି ବ୍ଲକବଷ୍ଟର ସାବ୍ୟସ୍ତ ହୋଇଛି ।
ହ୍ରିତିକ ଓ ଟାଇଗରଙ୍କ ବ୍ୟତୀତ ଫିଲ୍ମରେ ଅଭିନେତ୍ରୀ ବାଣୀ କପୁର ମଧ୍ୟ ନଜର ଆସୁଛନ୍ତି । ଫିଲ୍ମଟି ଅକ୍ଟୋବର 2 ତଥା ଗାନ୍ଧୀ ଜୟନ୍ତୀରେ ହିନ୍ଦୀ, ତାମିଲ ଏବଂ ତାମିଲ ଭାଷାରେ ରିଲିଜ ହୋଇଥିଲା । ଫିଲ୍ମର ନିର୍ଦ୍ଦେଶନା କରିଛନ୍ତି ନିର୍ଦ୍ଦେଶକ ସିଦ୍ଧାର୍ଥ ଆନନ୍ଦ ।
