ହାଇଦ୍ରାବାଦ: ପତ୍ନୀ ସୁଜୈନଙ୍କୁ ଛାଡପତ୍ର ଦେବା ପରେ ପୁଣିଥରେ ହ୍ରିତିକ୍ ରୋଶନଙ୍କ ଚର୍ଚ୍ଚା। କାରଣ ଏବେ ଲାଗୁଛି ତାଙ୍କ ଜୀବନରେ ଆଉ ଜଣେ ସୁନ୍ଦରୀ ଏଣ୍ଟ୍ରି କରିଛନ୍ତି । ବାସ୍ତବରେ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଏହି ଭିଡିଓରେ ହ୍ରିତିକ ରୋଶନ ଏକ ମିଷ୍ଟ୍ରି ଗର୍ଲ ସହିତ ନଜର ଆସିଛନ୍ତି । ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି ।
- " class="align-text-top noRightClick twitterSection" data="
">
ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓରେ ଦେଖିବାକୁ ମିଳିଛି ଯେ ହ୍ରିତିକ ରୋଶନ ଶୁକ୍ରବାର ରାତିରେ ମୁମ୍ବାଇର ଏକ ଜାପାନିସ ରେଷ୍ଟୁରାଣ୍ଟରୁ ରାତ୍ରିଭୋଜନ କରିବା ପରେ ବାହାରକୁ ଆସୁଛନ୍ତି । କିନ୍ତୁ ସେ ଏକୁଟିଆ ନୁହଁନ୍ତି, ତାଙ୍କ ସହ ଜଣେ ଝିଅ ମଧ୍ୟ ଅଛନ୍ତି। ଭିଡିଓରେ ଏହା ଦେଖାଯାଉଛି ଯେ ହ୍ରିତିକ ରୋଶନ ସେହି ଝିଅର ହାତ ଧରି କାର ପର୍ଯ୍ୟନ୍ତ ଯାଉଛନ୍ତି। ଏହାପରେ ସେ ନିଜେ ମଧ୍ୟ ସେହି କାରରେ ବସିଛନ୍ତି । ଏହି ଭିଡିଓ ଭାଇରାଲ ହେବା ପରେ ହ୍ରିତିକଙ୍କ ପ୍ରଶଂସକ ପଚାରୁଛନ୍ତି ଏହି ମିଷ୍ଟ୍ରି ଗର୍ଲ କିଏ ?
ତେବେ ଭିଡିଓରେ ହ୍ରିତିକଙ୍କ ସମ୍ପର୍କୀୟ ପଶ୍ମିନା ରୋଶନ (ରାଜେଶ ରୋଶନଙ୍କ ଝିଅ) ଙ୍କୁ ମଧ୍ୟ ଦେଖିବାକୁ ମିଳିଛି । ନିକଟରେ ହ୍ରିତିକଙ୍କ ଜନ୍ମଦଜିନରେ ତାଙ୍କ ଆଗାମୀ ଚଳଚ୍ଚିତ୍ର 'ବିକ୍ରମ ବେଦା' (ହିନ୍ଦୀ ରିମେକ)ରୁ ତାଙ୍କ ଲୁକ ସାମ୍ନାକୁ ଆସିଥିଲା। ଫିଲ୍ମରେ ହ୍ରିତିକ ବେଦା ଭୂମିକାରେ ନଜର ଆସିବେ। ଏହା ବ୍ୟତୀତ ଆଗାମୀ ପ୍ରୋଜେକ୍ଟ 'ଫାଇଟର୍'ରେ ଦୀପିକା ପାଦୁକୋନଙ୍କ ବିପକ୍ଷରେ ନଜର ଆସିବେ ହ୍ରିତିକ।
ବ୍ୟୁରୋ ରିପୋର୍ଟ, ଇଟିଭି ଭାରତ
