ହାଇଦ୍ରାବାଦ: ବଲିଉଡର ସବୁ କମେଡି ଫିଲ୍ମ ଅପେକ୍ଷା ‘ହେରା ଫେରି’ ପାଇଁ ଦର୍ଶକଙ୍କ ମନରେ ସବୁବେଳେ ଏକ ସ୍ବତନ୍ତ୍ର ସ୍ଥାନ ରହିବ । ଫିଲ୍ମରେ ବାବୁ ଭାଇଙ୍କ ଚରିତ୍ର ଦର୍ଶକଙ୍କୁ ଅଧିକ ପସନ୍ଦ ଆସିଥିଲା । ତେବେ ଏହାର ତୃତୀୟ ଭାଗ ଖୁବ ଶିଘ୍ର ଆସିବାକୁ ଯାଉଛି ।
ଏହାର ଖୁଲାସା କରିଛନ୍ତି ସୁନୀଲ ସେଟ୍ଟି । ନିକଟରେ ଏକ ପ୍ରେସ କନଫେରେନ୍ସରେ ଏନେଇ ସୂଚନା ଦେଇଥିଲେ ସେ । ଏଥିରେ ଫିଲ୍ମର ଷ୍ଟାରକାଷ୍ଟ ସହ ଫିଲ୍ମ ନିର୍ଦ୍ଦେଶକ ନିରଜ ଭୋରା ଓ ଅହମଦ ଖାନ ଯୋଗ ଦେଇଥିଲେ । ପ୍ରଥମ ସିରିଜରେ ଟଙ୍କାର ହେରା ଫେରି ହୋଇଥିଲା ବେଳେ ଦ୍ବିତୀୟ ସିରିଜରେ ଡ୍ରଗ୍ସର ହେରାଫେରି ହୋଇଥିଲା ଓ ତୃତୀୟ ସିରିଜରେ ରାଜୁ ଚରିତ୍ରର ହେରାଫେରି ହେବ ବୋଲି ସୂଚନା ମିଳିଛି ।
ତେବେ ଏହାର ନିର୍ଦ୍ଦେଶନା ଦେବେ ଫିରୋଜ ଏ. ନାଡିଆୱାଲା । ସିରିଜରେ ପ୍ରଥମ କରି ଅଭିଷେକ ବଚ୍ଚନ ଓ ଜନ ଆବ୍ରାହମଙ୍କୁ ଦେଖିବାକୁ ମିଳିବ । ତେବେ ଏହାର ସୁଟିଂ ଚଳିତ ବର୍ଷ ଶେଷ ଭାଗକୁ ଆରମ୍ଭ ହୋଇପାରେ ।
