ହାଇଦ୍ରାବାଦ: ବଲିଉଡ ଅଭିନେତ୍ରୀ ଶବାନା ଆଜମୀ ହିନ୍ଦି ସିନେମାର ଜଣେ ବରିଷ୍ଠ କଳାକାର । ସମସ୍ତ ଚରିତ୍ରରେ ନିଜକୁ ବେଶ ଭଲ ଭାବରେ ମିଶାଇପାରୁଥିବା କଳାକାର ଜଣେ । ଆଜିବି ସିନେମାରେ ସେ ସେତିକି ସକ୍ରିୟ । ଶବାନା ପାଳନ କରୁଛନ୍ତି ନିଜର 69ତମ ଜନ୍ମଦିନ । ପ୍ରସିଦ୍ଧ ଲେଖକ ତଥା ଗୀତିକାର ଜାଭେଦ ଅଖତରଙ୍କ ପତ୍ନୀ ହେଉଛନ୍ତି ଶବାନା ।
ମୁମ୍ବାଇର କୁଇନ ମେରୀ ସ୍କୁଲରେ ମନୋବିଜ୍ଞାନରେ ଗ୍ରାଜୁଏଟ ହାସଲ କରିଛନ୍ତି । ଜାଭେଦ ଅଖତରଙ୍କ ଏହା ଦ୍ବିତୀୟ ବିବାହ । ପ୍ରଥମେ ସେ ହନି ଇରାନୀଙ୍କୁ ବିବାହ କରିଥିଲେ । ପରେ ଶବାନାଙ୍କୁ ଭଲପାଇବା ପରେ ଇରାନୀଙ୍କୁ ଛାଡପତ୍ର ଦେଇଥିଲେ ।
1973 ମସିହାରେ ‘ଅଙ୍କୁର’ ଫିଲ୍ମରୁ ଅଭିନୟ କ୍ୟାରିୟର ଆରମ୍ଭ କରିଥିଲେ । ପ୍ରଥମ ଫିଲ୍ମରେ ହିଁ ତାଙ୍କୁ ସର୍ବଶ୍ରେଷ୍ଠ ଅଭିନେତ୍ରୀ ଭାବରେ ରାଷ୍ଟ୍ରୀୟ ପୁରସ୍କାର ପ୍ରଦାନ କରାଯାଇଥିଲା । ‘ଅମର ଅକବର୍ ଆନ୍ଥୋନି’, ‘ପରବରିଶ୍’, ‘ ମେ ଆଜାଦ ହୁଁ ’ ଭଳି ଫିଲ୍ମରେ ସେ ଅଭିନୟ କରିଛନ୍ତି । 2016ରେ ‘ନିରଜା’ ଫିଲ୍ମରେ ସୋନମ କପୁରଙ୍କ ମା ଭୂମିକାରେ ଅଭିନୟ କରି ଅନେକ ପ୍ରସଂଶା ସାଉଁଟିଥିଲେ ସେ ।
