ନୂଆଦିଲ୍ଲୀ : ଆଜି(ରବିବାର ଦିନ)ଟିମ ଇଣ୍ଡିଆ କ୍ରିକେଟର କେ.ଏଲ୍.ରାହୁଲଙ୍କ ୨୯ତମ ଜନ୍ମଦିନ । ଏହି ବିଶେଷ ଦିନରେ ବହୁ ପ୍ରଶଂସକଙ୍କ ସହିତ ବହୁ ବଲିଉଡ ସେଲିବ୍ରିଟି ଏବଂ ପରିବାରର ସଦସ୍ୟମାନେ ମଧ୍ୟ ତାଙ୍କୁ ସୋସିଆଲ ମିଡିଆ ମାଧ୍ୟମରେ ଶୁଭେଚ୍ଛା ଜଣାଉଛନ୍ତି ।
- " class="align-text-top noRightClick twitterSection" data="
">
ଏହି ଅବସରରେ ଅଭିନେତା ସୁନୀଲ ସେଟ୍ଟୀଙ୍କ ଝିଅ ତଥା ଅଭିନେତ୍ରୀ ଆଥିଆ ସେଟ୍ଟୀ ମଧ୍ୟ ରାହୁଲଙ୍କୁ ଏକ ଖାସ ଆନ୍ଦାଜରେ ବର୍ଥଡେ ଓ୍ବିଶ ଜଣାଇଛନ୍ତି ।
ଆଥିଆ ଇନଷ୍ଟାଗ୍ରାମରେ ବଏଫ୍ରେଣ୍ତ ରାହୁଲଙ୍କ ସହ ନିଜର ଏକ ସେଲଫି ଫଟୋ ସେୟାର କରିଛନ୍ତି ।
ଫଟୋ ସହ କ୍ୟାପସନରେ ଆଥିଆ ଲେଖିଛନ୍ତି, ‘ଜନ୍ମଦିନର ଶୁଭେଚ୍ଛା’ । ଏହାସହ ଆଥିୟା କେକର ଏକ ଇମୋଜୀ ମଧ୍ୟ ସେୟାର କରିଛନ୍ତି ।
ଆଥିୟା ଓ ରାହୁଲଙ୍କ ରିଲେସନସିପକୁ ନେଇ ବହୁ ଦିନ ହେଲା ଚର୍ଚ୍ଚା ହେଉଛି ଯେ ଦୁହେଁ ପରସ୍ପରକୁ ଡେଟ୍ କରୁଛନ୍ତି । ସେମାନେ ମଧ୍ୟ ଅନେକ ଥର ଏକାଠି ନଜର ଆସିଥାନ୍ତି । କିନ୍ତୁ, ଦୁହେଁ ନିଜ ରିଲେସନସିପକୁ ନେଇ କେବେ ଖୋଲାଖୋଲି ଭାବେ କିଛି କହିନାହାଁନ୍ତି । ଏହା ସତ୍ତ୍ବେ ଦୁହେଁ ସୋସିଆଲ ମିଡିଆରେ ପରସ୍ପର ସହିତ ମଜାଦାର ଚାଟିଂ କରୁଥିବାର ଦେଖିବାକୁ ମିଳିଥାଏ ।
ପ୍ରକାଶ ଥାଉ ଯେ, ଆଥିୟାଙ୍କ ଭାଇ ଅହାନ ସେଟ୍ଟୀ ମଧ୍ୟ ରାହୁଲଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
