ମୁମ୍ବାଇ: ଭେଟେରାନ ସଙ୍ଗୀତକାର ତଥା ନିର୍ଦ୍ଦେଶକ ଗୁଲଜାର କୋରୋନାରୁ ଫ୍ୟାନ୍ସଙ୍କୁ ସୁରକ୍ଷିତ ରଖିବା ପାଇଁ ଭ୍ୟାକ୍ସିନ ନେବାକୁ ଅପିଲ କରିଛନ୍ତି । ସେ ନିଜ ପ୍ରଶଂସକଙ୍କୁ ଏହି ମହାମାରୀରୁ ସୁରକ୍ଷିତ ରହିବାର ଉପାୟ ମଧ୍ୟ କହିଛନ୍ତି । ସେ ନିଜେ ଭ୍ୟାକ୍ସିନ ନେଇ ଖାସ୍ ଅନ୍ଦାଜରେ ସମସ୍ତଙ୍କୁ କବିତା ମଧ୍ୟ ଶୁଣାଇଛନ୍ତି ।
ଏକ ଭିଡିଓ ଜାରି କରି ସେ କହିଛନ୍ତି, ‘କୋଭିଡ ସେ ବଚନେ କା ତରିକା ହେ, ‘ଆସାନ ହେ ଲବାୱା ଲୋଁ, ଟିକା ହେ । ଆପ ଭି ମହସୁସ ହୋଗେଁ ଔର ଦେଶ ଭି, ସାଥ ରହନେ କା ସଲିକା ହେ ।’
କବିତା ଶୁଣାଇବା ପରେ ସେ ଅପିଲ କରି ସମସ୍ତଙ୍କୁ ଭିଡିଓରେ କହୁଛନ୍ତି, ‘ଯଥାଶୀଘ୍ର ଏହି ଟିକା ନିଅନ୍ତୁ । ଡାକ୍ତରମାନେ ନିଜ ଜୀବନକୁ ବାଜିରେ ଲଗାଇ ଏହା ଉଦ୍ଭାବନ କରିଛନ୍ତି, ଯାହା ଦ୍ବାରା ମାନବ ଜାତି ବଞ୍ଚିପାରିବ। ଟିକା ଲଗାଇବା ଆପଣଙ୍କ କର୍ତ୍ତବ୍ୟ । ଯାହା ଦ୍ବାରା ଏହା କେବଳ ଆପଣଙ୍କୁ ନୁହେଁ ଆପଣଙ୍କ ପରିବାର, ଆପଣଙ୍କ ପଡ଼ୋଶୀ, ଆପଣଙ୍କ ସମାଜ, ଆପଣଙ୍କ ଦେଶକୁ ମଧ୍ୟ ସୁରକ୍ଷା ଦେଇପାରିବ ।’
